Þennan kjúklingarétt ákvað ég að elda um daginn og hitti hann svo sannarlega beint í mark hjá gestunum. Úrbeinuð kjúklingalæri með góðri sósu, steiktu grænmeti og hrísgrjónum til hliðar. Virkilega þægilegt að skella í þennan rétt, ekki of mörg hráefni og einfalt að framkvæma hann.

Uppskrift fyrir fjóra:

800 g úrbeinuð kjúklingalæri
Salt og pipar
Kjúklingakrydd
Smjör til steikingar
200 g kotasæla
200 g rjómaostur með grillaðri papriku og chilipipar
100 g rjómi
2 hvítlauksgeirar
150 g sveppir
200 g brokkolí
Rifinn ostur
Fersk steinselja

Byrjið á að rífa hvítlauk niður smátt, skerið sveppina og brokkolí og steikið upp úr smjöri á pönnu, passið að ofsteikja ekki blönduna hún eftir að fara inn í ofn þar sem að hún eldast aðeins meira.

Setjið úrbeinuð kjúklingalæri í eldfast form og kryddið vel með salti, pipar, og smá kjúklingakrydd finnst mér gera bragðið enn betra. Setjið smá matarolíu í botninn á forminu og eins aðeins yfir kjúklingabitana, setjið svo kjúklinginn inn í ofn við 200 gráður í um 30 mínútur.

Blandið saman kotasælu, rjómaosti og rjóma í potti við vægan hita og blandið vel saman. Slökkvið undir hitanum og látið aðeins bíða.

Takið kjúklinginn út úr ofninum, dreifið sveppa/brokkolí-blöndunni yfir kjúklinginn ásamt rjómaostasósunni. Stráið smá rifnum osti yfir og setjið aftur inn í ofn í um 15 mínútur.

Berið fram með því að klippa niður smá ferska steinselju yfir réttinn ásamt