Eins og var greint frá fyrr í dag gerði Friðrik Dór mistök í nýju matreiðslubók sinni, Léttir réttir Frikka. Hann baðst afsökunar á villunni í færslu á Facebook, en það vantaði lykilhráefni í uppskriftina. Það vantaði allt hveiti í „Skúffuköku ömmu.“

Sjá einnig: Friðrik Dór gleymdi lykilhráefni: „Ég biðst innilega afsökunar á þessum mistökum“

Kona, sem kýs að koma fram nafnlaus, bakaði kökuna eftir uppskriftinni í bókinni og er útkomman ekki beint sú sem hún vonaðist eftir. Konan deilir mynd af kökunni í Facebook-hópinn Matartips og gaf DV góðfúslegt leyfi til að deila myndinni með lesendum. Hún leitaði ráða til Matartipsara vegna kökunnar, en hún skildi ekki alveg af hverju kakan væri svona skrýtin. Stuttu seinna kom í ljós að það vantaði mjög mikilvægt hráefni. Konan segir þetta bara skemmtilegt og segir bók Friðriks Dórs vera frábæra.