Ef þú ert að drífa þig í gegnum búðina getur verið freistandi að kaupa grænmeti sem þegar er búið að pakka inn. En eins og einn maður bendir á þá getur borgað sig að skoða verðmiðann vel.

Maðurinn deilir myndum af tveimur alveg eins tegundum af chilí pipar í Facebook-hópinn Markdown Addicts Australia. Eini munurinn er að það er búið að pakka inn einni tegundinni og er verðmunurinn alveg svakalegur.

Heil 20g af innpökkuðum chilí pipar í plast kostar um 14.500 krónur kílóið. En chilí pipar í lausu kostar aðeins um 2300 krónur kílóið.

„Í pakkningum vs ekki í pakkningum,“ skrifaði maðurinn með myndunum. „Og svo er þessu pakkað inn í plast.“

Færsla hans hefur vakið mikla athygli og viðurkenndu margir ekki kíkja á kílóverðið þegar þeir kaupa grænmeti  eða ávexti.

„Eiginmaður minn benti mér á þetta um daginn og ég hafði aldrei tekið eftir kílóverðinu áður, ég horfði bara á gæði og ferskleika. Ánægð að ég veit af þessu núna,“ skrifar ein kona við færsluna.

„Ég vissi að grænmeti í lausu væri ódýrara en vá,“ skrifaði einn netverji.

Verðmunurinn vakti reiði meðal margra, meðan aðrir bentu á að verðmunurinn væri til að fá fólk til að sleppa plastinu.

„Þú ert meðvitaður um það að þetta er leið til að fá fólk til að hætta að nota plast? Skattur á plasti er fáránlegur núna, ekki kaupa innpakkað grænmeti og þú verður í lagi,“ skrifaði ein kona.

Það er allavega á hreinu að það er mikilvægt að skoða kílóverðið þegar maður verslar í matinn!