Hugtakið „slutty brownie“ er vel þekkt í matarheiminum og notað yfir brúnku, eða brownie, sem er blandað við alls kyns góðgæti, svo sem smákökur og karamellusósu. Hér er uppskrift að „slutty brownie“, eða druslustykki eins og við kjósum að kalla þau, sem er einföld og þægileg. Passið ykkur bara – þessi stykki hverfa eins og dögg fyrir sólu.
Hráefni:
470 g tilbúið súkkulaðibitakökudeig (hægt að kaupa tilbúið í matvöruverslunum)
20 Oreo-kexkökur (plús fleiri til að skreyta með)
450 g mjúkur rjómaostur
½ bolli sykur
2 stór egg
½ tsk. vanilludropar
salt
volg karamellusósa (til að skreyta með)
Aðferð:
Hitið ofninn í 160°C og takið til form sem er sirka tuttugu sinnum tuttugu sentímetra stórt. Klæðið það með smjörpappír og látið hann ná upp á hliðarnar. Þrýstið kökudeiginu í botninn á forminu. Raðið Oreo-kökum ofan á kökudeigið. Þeytið rjómaost í nokkrar mínútur þar til hann er kekkjalaus. Blandið síðan sykri, eggjum, vanilludropum og salti saman við. Hellið yfir Oreo-kexið. Myljið nokkur Oreo-kex og drissið ofan á rjómaostinn. Bakið í 30 til 35 mínútur og kælið í að minnsta kosti 3 klukkustundir. Skerið í bita og skreytið með karamellusósu.
