fbpx
Sunnudagur 21.júlí 2019  |
Matur

Hrískaka – þessi gamla góða: Sjáðu uppskriftina

Lilja Katrín Gunnarsdóttir
Miðvikudaginn 23. janúar 2019 10:00

Æðisleg kaka.

Ekki missa af Helstu tíðindum dagsins í pósthólfið þitt

Lesa nánar

Hrískaka á sérstakan stað í hugum margra og hér er uppskrift að einni slíkri sem slær alltaf í gegn.

Hrískaka

Hráefni – Svampbotnar:

285 g mjúkt smjör
3/4 bolli sykur
1 dós sæt dósamjólk (sweetened condensed milk – 396 g)
5 egg
2 bollar hveiti
2 tsk. lyftiduft
1 tsk. vanilludropar

Aðferð:

Takið til tvö smelluform, sirka 18 sentímetra stór og setjið smjörpappír í botninn. Smyrjið formin með olíu eða smjöri. Hitið ofninn í 160°C. Byrjið á að hræra smjör og sykur vel saman í sirka 3-4 mínútur, eða þar til blandan er létt og ljós. Blandið síðan sætu dósamjólkinni vel saman við og síðan eggjunum, einu í einu. Blandið síðan hveiti, lyftidufti og vanilludropum vel saman við herlegheitin. Skiptið deiginu jafnt á milli formanna tveggja og bakið í 45-50 mínútur. Leyfið kökunni að kólna í forminu.

Dásamleg karamella.

Hráefni – Karamella:

2 bollar sykur
180 g smjör
1 bolli rjómi
1 tsk. sjávarsalt
3-4 bollar Rice Krispies

Aðferð:

Setjið sykur í pott og hitið yfir meðalhita. Hrærið stanslaust í sykrinum, en fyrst mun hann verða að kögglum og síðan bráðna í ljósbrúna blöndu. Þegar sykurinn er bráðnaður bætið þið smjörinu út í og hrærið áfram stanslaust. Passið ykkur því blandan mun bubbla og láta illa þegar smjörið snertir sykurinn. Hrærið þar til allt smjörið er bráðnað og búið að blandast saman við sykurinn. Hellið síðan rjómanum varlega út í á meðan þið hrærið en blandan mun aftur láta illa. Leyfið þessu að sjóða í um 1 mínútu en haldið áfram að hræra stanslaust. Takið pottinn af hellunni og blandið saltinu saman við. Hellið blöndunni í aðra skál og leyfið henni að kólna í 10-15 mínútur. Hellið síðan karamellunni yfir botnana tvo. Ég notaði ekki alveg alla karamelluna og átti sirka 1/2 bolla eftir af henni sem ég setti í krukku og geymi til betri tíma. Stráið síðan Rice Krispies yfir karamelluna og þrýstið því aðeins ofan í hana. Og ekki taka kökuna úr forminu strax!

Hráefni – Súkkulaðibráð:

250 g dökkt súkkulaði
4-5 msk. rjómi

Kallar fram góðar minningar.

Aðferð:

Setjið súkkulaði og rjóma í skál og bræðið í örbylgjuofni í 30 sekúndur í senn. Munið að hræra alltaf vel í blöndunni eftir hvert holl. Helllið súkkulaðinu ofan á Rice Krispies og smyrjið því út í hvern krók og kima. Skellið kökunni (í forminu ennþá) inn í ísskáp og leyfið henni að kólna í að minnsta kosti klukkutíma. Síðan rennið þið hníf meðfram forminu til að losa kökuna og skellið henni á disk. Gott er að leyfa henni að standa í að minnsta kosti hálftíma áður en hún er borin fram. Njótið!

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Matur
Fyrir 1 viku

„Þeir sem voru að hafa áhyggjur af brotthvarfi Krispy Kreme geta núna andað léttar“

„Þeir sem voru að hafa áhyggjur af brotthvarfi Krispy Kreme geta núna andað léttar“
Matur
Fyrir 1 viku

Draumur Öldu Villiljóss rætist: „Ég er óendanlega þakklátt fyrir allan stuðninginn!“

Draumur Öldu Villiljóss rætist: „Ég er óendanlega þakklátt fyrir allan stuðninginn!“
Matur
Fyrir 1 viku

Ketó kanilsnúðar Bjarna töframanns: „Næstum því besta ketó snarl sem ég hef búið til“

Ketó kanilsnúðar Bjarna töframanns: „Næstum því besta ketó snarl sem ég hef búið til“
Matur
Fyrir 1 viku

Ketó nammið sem svalar sykurþörfinni: „Þetta er Snickers og Bounty í einum bita“

Ketó nammið sem svalar sykurþörfinni: „Þetta er Snickers og Bounty í einum bita“
Matur
Fyrir 2 vikum

Nautnaseggir athugið: Dásamleg brúnkaka með karamellu og saltkringlum

Nautnaseggir athugið: Dásamleg brúnkaka með karamellu og saltkringlum
Matur
Fyrir 2 vikum

Skotheldur prótein kaffisjeik til að byrja daginn

Skotheldur prótein kaffisjeik til að byrja daginn
Matur
Fyrir 2 vikum

Byrjaði að baka í kjallaranum – Rekur í dag sitt eigið bakarí og kökubúð: „Það hefur verið mikil vinna að komast hingað“

Byrjaði að baka í kjallaranum – Rekur í dag sitt eigið bakarí og kökubúð: „Það hefur verið mikil vinna að komast hingað“
Matur
Fyrir 3 vikum

Er kolsýrt vatn slæmt fyrir tennurnar?

Er kolsýrt vatn slæmt fyrir tennurnar?