Hrekkjavakan er á morgun. Ef þig vantar innblástur fyrir Hrekkjavökuteiti þá höfum við grafið upp fjörutíu rétti sem eiga eftir að slá í gegn. Ef smellt er á fyrirsögn við hvern rétt fer sá hinn sami rakleiðis inn á uppskrift að réttinum.
Hvernig væri að búa til frekar óhugnalegar fætur úr hakki? Punkturinn yfir i-ið er klárlega lauktáneglurnar.
Þessi partípúns er ekki bara einfaldur heldur líka mjög hressandi. Þessi drykkur á vafalítið eftir að láta fólk tala í Hrekkjavökuteitinu.
Hér er á ferð frábær hugmynd sem krakkanir geta tekið þátt í að útbúa. Ótrúlega skemmtileg nálgun á Hrekkjavökumat.
Það er hægt að kaupa allt tilbúið í þennan rétt og einfaldlega skella honum saman með lítilli fyrirhöfn. Ótrúlega flott.
Þessi réttur er smá nostur, en alveg þess virði. Sjáiði bara hvað þessar leðurblökur eru krúttlegar!
Annar einfaldur réttur sem krakkarnir geta búið til. Ótrúlega skemmtileg hugmynd.
Réttirnir verða ekki mikið einfaldari en þessir. Við erum að tala um súkkulaðihúðuð jarðarber sem líta út eins og draugar. Svo er ekkert mál að dunda sér við þetta bara kvöldið fyrir Hrekkjavöku.
Þetta snarl tekur enga stund en er afskaplega fallegt á Hrekkjavökuborði.
Það er hægt að sömu tækni á heila köku þannig að úr verður risastór köngulóarvefur.
Í þessari uppskrift eru notaðir Rice Krispies Treats, sem ekki fæst á Íslandi, en hægt er að nota nánast hvað sem er, súkkulaðihúða það og búa til múmíur.
Einnig er hægt að búa til múmíur úr banönum – aðeins hollari valkostur.
Hér er á ferð aðeins flóknari uppskrift, en útkoman er hreint út sagt stórkostleg. Þið þurfið samt að taka ykkur smá tíma í þessa elsku.
Þessi hugmynd er algjör snilld og gerir mikið fyrir veisluborðið. Mjallhvít myndi pottþétt falla fyrir þessum.
Þeir sem eru alveg á síðustu stundu að skipuleggja Hrekkjavökuteitið ættu að kíkja á þessa uppskrift að Oreo-kexi á pinna.
Þeir sem nenna ekki að skera út grasker geta einfaldlega keypt sér appelsínugular paprikur og fyllt þær með einhverju gómsætu – til dæmis mexíkóskum mat.
Einfalt og svínvirkar. Coco Pops, sykurpúðar og Nutella breytast í drungalega legsteina.
Enn og aftur snúum við okkur að Oreo-kexi, en nú breytum við þeim í skrímsli á afskaplega einfaldan hátt.
Bara tvö hráefni og þú ert kominn með fyrirtaks gerviblóð.
Þið trúið því kannski ekki, en þessi hryllingur er búinn til úr hollum hráefnum. Þetta skítlúkkar!
Þessar pylsur eru frekar óhugnalegar og minna helst á snákatungur. Mjög einfaldur réttur sem fellur í kramið hjá flestum Íslendingum.
Svo er hægt að blanda þessu tvennu saman og bjóða einfaldlega uppá fingur í pylsubrauði. Sniðugt!
Þessir hattar eru algjört æði og ekkert ofboðslega mikið mál að skella þeim saman. Maður þarf samt að hafa smá tíma til að stússast í þessu.
Þetta segir sig svolítið sjálft. Hver elskar ekki sykurpúða og heila?!
Það er ansi sniðugt að láta graskerið æla kræsingum. Svo er spurning hvort gestirnir hafa lyst á.
Þessar bollakökur eru dásamlegar alveg hreint og mikil prýði á Hrekkjavökuborði. Smá vesen, en það er bara gaman.
Hljómar það ekki vel? Hún allavega smakkast mjög vel!
Þessi er tilvalin í teitið, en hér er hefðbundinni grillaðri samloku breytt í flotta könguló. Mjög einfalt og fljótlegt.
Önnur mjög einföld og holl uppskrift að smárétti sem vekur athygli.
Einhverjum finnst grænmeti reyndar vera hryllingur alla jafna. Því þá ekki að setja það í alvöru Hrekkjavökubúning?
Þessi réttur er einfaldur og bragðgóður – það má líka bjóða uppá svoleiðis í teitinu.
Þessar leðurblökur eru einstaklega einfaldar í framkvæmd og renna ljúflega niður.
Mjög lítil fyrirhöfn en lítur mjög vel út á veisluborðinu.
Hér er á ferð kokteilauppskrift fyrir fullorðna sem er vís til að bæta stemninguna.
Ef þið hafið tíma og getið búið til nóg af smáréttum þá mælum við með þessum litlu kirkjugörðum.
Þessir skotdrykkir eru tilvaldir í teitið og hressa, bæta og kæta.
Þetta er nú alls engin fyrirhöfn og bara gaman að útbúa svona ógnvekjandi quesadilla.
Þeir sem elska popp ættu að elska þessa litlu, krúttlegu draugar. Þvílíkt lostæti!
Það þarf auðvitað ekkert að búa til leðurblökur úr þessu deigi heldur er hægt að láta ímyndunaraflið leika lausum hala.
Þessi drykkur er svo fallegur og ógnvekjandi á sama tíma. Takið eftir – aðeins fyrir fullorðna.
Hvernig væri að búa til stóra köku sem lítur út eins og heili?
