Litli íþróttaskólinn er stórskemmtileg afþreying fyrir foreldra með ung börn en skólinn er starfræktur að Háaleitisbraut 13 af Mínervu Alfreðsdóttur og Ingu Láru Þórisdóttur. Þær eru menntaðir íþróttakennarar og bjóða upp á stórskemmtileg hreyfinámskeið fyrir lítil kríli. „Ásamt íþróttanámskeiðunum býð ég upp á ungbarnasundnámskeið fyrir börn á aldrinum þriggja mánaða til eins og hálfs árs,“ segir Mínerva.
Aðsóknin jókst
Mínerva lærði ungbarnasund árið 1996 í Noregi hjá Norges Idrettsforbund og starfaði þar sem ungbarnasundkennari í tvö ár. „Haustið 1999 byrjaði ég með ungbarnasundnámskeið á Háaleitisbraut og í ár hef ég verið að kenna meira og minna í 20 ár á Íslandi auk tveggja ára í Noregi.“ Fyrst um sinn var Mínerva með fá námskeið. „Smám saman jókst aðsóknin samfara því að ungir foreldrar urðu meðvitaðri um ágæti þess að fara með ungbörn í sund og hversu góð áhrif það hefur á þroska þeirra.“
„Í sundtímum tengjast foreldrar barni sínu á nýjan og sérstakan hátt. Við byrjum á því að syngja saman og förum svo í gegnum fjölbreyttar og skemmtilegar æfingar. Foreldrarnir sjá fljótt mun á styrk og hreyfiþroska barnsins þar sem við erum sífellt að gera æfingar sem örva og auka skynjun og þroska.
Þau börn sem fara í ungbarnasund búa að því þegar þau verða eldri. Þau eru betur í stakk búin til að fara í almenningslaugar með foreldrum sínum og einnig hef ég tekið eftir því að þegar þau byrja í skólasundi í sundkennslu eiga þau oft auðveldara með að gera grunnæfingar eins og að fljóta og fara í kaf.“
Helstu markmið ungbarnasundsins eru:
Næstu námskeið í ungbarnasundi byrja mánudaginn 7. október.
Námskeiðin eru haldin að Háaleitisbraut 13, á mánudögum og miðvikudögum og standa yfir í fjórar vikur.
Byrjendanámskeið er kl. 17.00 og framhaldsnámskeið kl. 17.30.
Litli íþróttaskólinn
Haustið 2001 byrjuðu Mínerva og Inga Lára með hreyfinámskeið fyrir lítil kríli. „Fyrst um sinn vorum við tvær með tímana á laugardögum en þegar elsta dóttir okkar fæddist, fengum við Fanneyju Rúnarsdóttur til liðs við okkur en hún er einnig íþróttakennari að mennt. Við störfum allar í grunnskólum eða framhaldsskóla og höfum áralanga reynslu af því starfi.“
Hefðbundinn rammi með mátulegum skammti af tilbreytingu
Litli íþróttaskólinn er fyrir börn á aldrinum 17 mánaða til 3 ára en börn og aðstandendur eru saman í hreyfistund á forsendum barnsins. Tímarnir eru 40 mínútna langir og yfirleitt byggðir upp á svipaðan hátt. Þeir eru tvískiptir þar sem fyrst eru gerðar æfingar og leikir með eða án áhalda. Síðan er farið í mismunandi þrautabrautir. Allir tímar byrja og enda með samverustund og söng. „Okkar reynsla er sú að börnin þrífast best innan nokkuð hefðbundinna ramma með mátulegum skammti af tilbreytingu.“
„Ómetanlega gefandi að vinna með börnum“
Foreldrarnir eru virkir með börnunum á námskeiðinu og fá þeir m.a. að upplifa börnin sín í hreyfingu innan um jafnaldra. „Þeir sem hafa komið til okkar hafa flestir komið á fleiri en eitt og tvö námskeið. Svo mæta þeir jafnvel aftur með barn númer tvö og þrjú. Að vinna með börnum og foreldrum ungra barna er ómetanlega gefandi og skemmtilegt. Ungir foreldrar eru ótrúlega duglegir og virkir með börnin sín.“
Tímarnir eru aldursskiptir og eru æfingarnar einfaldar og viðráðanlegar. „Af tíu tímum í Litla íþróttaskólanum eru svo tveir tímar haldnir í sundlauginni. Þar gerum við skemmtilegar sundæfingar sem er blandað saman við söng og vísur.“
Næsta námskeið hjá Litla íþróttaskólanum byrjar laugardaginn 21. september.
Námskeiðið er á laugardögum fyrir hádegi á Háaleitisbraut 13
Námskeiðið er 10 skipti (8 skipti hreyfing í sal og 2 sundtímar).
Allar nánari upplýsingar má nálgast á vefsíðunni litliithrottaskolinn.is
Sími: 699-1900 (Mínerva )eða 868-7116 (Inga Lára)
Tekið er á móti skráningum á netfanginu minerva@simnet.is.