Verktakar sem hafa unnið saman við gerð varnargarða við Grindavík og Svartsengi síðan í nóvember 2023 hafa tekið höndum saman og verða aðalstyrktaraðili Knattspyrnudeildar Ungmennafélags Grindavíkur (UMFG). Að auki hafa stærstu birgjar þeirra einnig gengið til liðs við þetta verkefni, sem er einstakt dæmi um samhug og samstöðu í kjölfar mikilla áskorana sem samfélagið í Grindavík hefur gengið í gegnum.

UMFG missti alla sína styrktaraðila í kjölfar náttúruhamfaranna þar sem þeir voru flestir úr Grindavík og urðu fyrir jafn miklum áhrifum og félagið sjálft. Í ljósi þess tóku eftirtaldir verktakar og birgjar sameiginlega ákvörðun um að styðja við UMFG og hjálpa félaginu að endurreisa starfsemi sína:

Ístak hf.

Íslenskir Aðalverktakar hf

Sveinsverk ehf

Ingileifur Jónsson ehf

Fossvogur

Hefilverk ehf

Skeljungur

Klettur

Kraftvélar

Armar Ehf

Berg Verktakar ehf

Samstarfið hefur einnig verið tákngert með sérstöku lógói sem vísar í form varnargarðanna og bókstafinn „G“ fyrir Grindavík, sem undirstrikar tengslin á milli þessara aðila og samfélagsins sem þeir styðja. Hönnunarstofan Kolofon og Baldur Kristjánsson ljósmyndari lögðu verkefninu lið með hönnun merkis og myndatöku.

Samstarfsaðilar óska UMFG góðs gengis á komandi leiktíð, Áfram Grindavík!