Unglingar birta ýmist tjákn í rafrænum samskiptum á netinu sem fullorðnir skilja flestir ekki. Ber tjákn-notkunin merki um að ungmenni séu að fást við viðfangsefni sem þau hafa engan þroska til eða eru jafnvel ólögleg.

Birgitta Þorsteinsdóttir grunnskólakennari birtir lista yfir fíkniefnatengdanotkun ungmenna í aðsendri grein á Vísir.is. Þar gefur meðal annars að líta þennan lista:

Fíkniefnatengd notkun

Kynferðisleg merking emojis

Birgitta segir í grein sinni:

„Við sjáum í samfélaginu í dag að börn verða fyrir áreiti, ofbeldi og hafa aðgengi að óheilbrigðum hugmyndum og samskiptum á netinu. Þau eru orðin ónæm fyrir hlutum sem ættu að vekja viðbrögð. Þau sjá ofbeldi, klám og eiturlyf á netinu, alla daga sem verður til þess að þeim finnst eins og það sé ekkert mál, og eru því orðin ónæm fyrir flest öllu. Því oftar sem þú sérð eitthvað, því minni áhrif hefur það á mann og þú venst því. Hér áður fyrr var maður sjálfur sendur inn í herbergið sitt þegar ofbeldi eða óheilbrigðir hlutir birtust í fréttatímanum, en nú hafa ungmennin okkar aðgengi að þessu alla daga, alltaf. Við vitum ekkert hvernig “algorithmin” þeirra er í tækjunum. Hvað eru þau að sjá? Og erum við að tala við þau um þetta?“

Hvað geta foreldrar gert?

Birgitta segir mikilvægt að foreldrar fylgist með netnotkun barna sinna og viti hvaða forrit þau eru að nota. Mikilvægt sé að ræða opinskátt við börnin og kynna sér persónuverndarstillingar, lokað spjall og hvernig forrit virka. Einnig er mikilvægt að brýna fyrir örnum að senda aldrei eða taka við óviðeigandi myndum.

„Ef barnið þitt notar skammstafanir sem þú þekkir ekki eða er að tala við óþekkta aðila á netinu, ættir þú að skoða það nánar,“ segir Birgitta ennfremur, en greinina má lesa hér.