Margrét McArthur Friðriksdóttir, ritstjóri Fréttin.is, veltir því fyrir sér hvort að innlendir aðilar séu á bak við harðar netárásir sem vefmiðill hennar hefur orðið fyrir síðustu daga. Telur hún líkur á því að glóbalistar hérlendis séu að reyna að þagga niður í miðlinum. Þetta kemur fram í Facebook-færslu Margrétar um helgina.

„Harðar Netárásir standa nú yfir á Fréttinni og hafa staðið stöðugt síðan um 16:00 í gær. Það tókst hrinda þeim í nótt, en nú virðist ný árás hafin sem orsakar að síðan hleðst mög hægt eða ekki inn. Þetta er ekkert nýtt fyrir okkur og höfum við keypt fyrir löngu beztu varnir mögulegar hjá hýsingar-aðilanum. Þær árásir sem nú eru gerðar eru mjög dýrar í framkvæmd og mikla sérfræðikunnáttu þarf til að framkvæma þær. Það er því dagljóst að einhver aðili/aðilar sennilega hér á landi fjármagna árásirnar,“ skrifar Margrét.

Segir hún að hýsingaraðila sinn hafa unnið baki brotnu að því að hrinda árásunum og vonir hennar standi til að vefmiðillinn verði brátt kominn í lag. Þegar þessi frétt er síðan þó enn mjög hægt.

„Þetta segir okkur samt tvennt: Globalistarnir hér á landi óttast Fréttina og að við erum greinilega að gera eitthvað rétt, því ef eitthvað þarfnast þöggunar þá er það klár sönnun þess að eitthvað mikið er að hjá „þaggaranum“,“ skrifar Margrét.