Gamanleikarinn vinsæli, Hjálmar Örn Jóhannsson, fékk hjartaáfall á heimili sínu á laugardag. Hann greinir frá þessu í Facebook-færslu:

„Skjótt skipast veður í lofti!

Klukkan 14:40 á laugardaginn fékk ég hjartaáfall heima hjá mér!

Skömmu síðar var ég kominn uppá spítala og í góðar hendur en ég leit einmitt þá á klukkuna og var hún 15:00 og þá hugsaði ég, ekta ég að deyja þegar enski boltinn er að byrja.

Ég var svo sendur í þræðingu og kl. 18:50 var búið að fóðra æðarnar! Magnað heilbrigiðskerfi og starfsfólk sem gerði þetta allt á stuttum tíma!“

Hjálmari heilsast eftir atvikum vel og lofar mjög starfsfólk heilbrigðiskerfisins:

„Ég er allur að koma til og þakka öllu starfsfólki heilbrigðiskerfisins á Íslandi fyrir gríðarlega fagmennsku og kærleik!“