fbpx
Fimmtudagur 18.júlí 2024
Fréttir

Engar vísbendingar um ámælisverða háttsemi lögreglu gagnvart mótmælendum

Ritstjórn DV
Föstudaginn 21. júní 2024 19:00

Lögreglumenn að störfum. Mynd/DV

Ekki missa af Helstu tíðindum dagsins í pósthólfið þitt

Lesa nánar

Nefnd um eftirlit með lögreglu hefur komist að þeirri niðurstöðu að ekki séu uppi vísbendingar um hugsanlega refsiverða eða ámælisverða háttsemi lögreglumanna vegna viðbragða við mótmælum þann 31. maí síðastliðinn.

Telur nefndin, sem skipuð er lögmönnunum Skúla Þór Gunnsteinssyni, Þorbjörgu Ingu Jónsdóttur og Kristínu Edwald, ekki tilefni til þess að aðhafast frekar vegna málsins. RÚV greindi fyrst frá málinu.

Notkun piparúða gagnrýnd harðlega

Áðurnefnd mótmæli, sem snerust um ástandið fyrir botni miðjarðarhafs, áttu sér stað í Skuggasundi í tilefni af ráðherrafundi. Reyndu mótmælendur meðal annars að hindra för ráðherrabíla.

Lögreglumenn sáu ástæðu til þess að nota piparúða til þess að hafa hemil á mótmælendum og var sú háttsemi gagnrýnd harðlega. Var háttsemin síðan kærð til eftirlitsnefndarinnar.

Nefndin fór yfir upptökur úr búkmyndavélum lögreglumanna sem og annað myndefni sem meðal annars birtist í fjölmiðlum.

Gengu ekki lengra en nauðsyn krafðist

Er niðurstaða nefndarinnar í grófum dráttum sú að mótmælendur hafi hindrað för ráðamanna frá fundarstaðnum og hafi virt að vettugi ítrekuð fyrirmæli lögreglu um að víkja. Þá hafi lögreglumenn einnig hótað því að piparúða yrði beitt ef að ekki yrði farið að tilmælunum.

Telur nefndin að ekkert í gögnum málsins bendi til þess að háttsemi lögreglumanna hafi verið ámælisverð. Telur nefndin að lögreglan hafi ekki gengið lengra en nauðsyn krafði við störf sín í umrætt sinn og því hafi meðalhófs verið gætt.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 22 klukkutímum

Ungur pólskur maður lést á Skálafellsjökli – „Mamma, ég er á lífi“ voru síðustu skilaboðin heim

Ungur pólskur maður lést á Skálafellsjökli – „Mamma, ég er á lífi“ voru síðustu skilaboðin heim
Fréttir
Í gær

Ómar áminntur af úrskurðarnefnd lögmanna – Spurði dómara hvaða starfsmann hann ætti að reka

Ómar áminntur af úrskurðarnefnd lögmanna – Spurði dómara hvaða starfsmann hann ætti að reka
Fréttir
Fyrir 2 dögum

Lögreglan varar við svindli – „Ekki falla í þessa gryfju“

Lögreglan varar við svindli – „Ekki falla í þessa gryfju“
Fréttir
Fyrir 2 dögum

Vilhjálmur er með hugmynd um hvernig bjarga megi Akranesi en til þess þurfi hugrekki – „Við verðum að snúa vörn í sókn“

Vilhjálmur er með hugmynd um hvernig bjarga megi Akranesi en til þess þurfi hugrekki – „Við verðum að snúa vörn í sókn“