fbpx
Laugardagur 22.júní 2024
Fréttir

Gagnauppsópun fram undan hjá Meta – Þú hefur tvær vikur til að neita að taka þátt

Ritstjórn DV
Þriðjudaginn 11. júní 2024 13:13

Mynd/Pexels

Ekki missa af Helstu tíðindum dagsins í pósthólfið þitt

Lesa nánar

Myndstef, höfundaréttarsamtök sem standa vörð um höfundarrétt sjónlista, vekja athygli á því á Facebook-síðu sinni að bandaríska tæknifyrirtækið Meta muni hefja gagnauppsópun í Evrópu þann 26. júní næstkomandi nema notandinn bregðist sjálfur við og hafni þátttöku.

„Á Íslandi eins og víðar hafa listamenn og myndhöfundar nýtt netið, ekki síst instagram, en sömuleiðis facebook til þess að kynna sig, auglýsa sýningar sínar og svo framvegis. Meta hefur nú þegar hafið þjálfun eigin gervigreindar á gögnum (myndum og texta í póstum fólks, og öðrum persónugögnum svo sem hegðunarmynstrum) notenda frá löndum utan strangrar persónuverndarlöggjafar Evrópu, en nú stendur til að rúlla því út á Evrópumarkaði,“ segir í færslunni.

Bent er á að Meta hafi tekist að koma fyrirætlunum sínum í gegn með því að uppfylla tvö skilyrði; að notendur geti neitað að taka þátt og að gefinn yrði 4 vikna frestur til þess.

„Hefur lítið farið fyrir þessum áformum, og líklega farið fram hjá flestum lítil tilkynning í „notifications“ um að meta ætlaði að „bjóða upp á spennandi AI verkfæri, viltu vita hvernig við notum gögnin þín?“ sem þýddi sumsé á íslensku „við ætlum að fóðra gervigreindina okkar á öllu sem þú hefur birt á miðlum okkar nema þú smellir hér og segir nei innan næstu 4ra vikna“. Þar á eftir fylgdu nokkrar hindranir áður en komist var á eyðublað til þess að skrá sig mótfallinn,“ segir í færslunni.

Í færslu Myndstefs er vísað í umfjallanir erlendra fjölmiðla um málið og bent á að íslenskir notendur Facebook og Instagram hafi tvær vikur til að neita að taka þátt.

„Eftir það verður efnið ekki tekið til baka úr gervigreindarmódelinu. Það er ljóst að íslenskir facebook/instagram notendur eru upp til hópa ómeðvitaðir um þessa tilætlun, og því vekjum við athygli á þessu mikilvæga máli.  Við vekjum athygli á að öll sem kjósa að nota þessa miðla til birtingar á höfundarvörðu efni hafa tækifæri til þess að taka um það ákvörðun sjálf hvort þau kjósi að gefa efni sitt í þessum tilgangi eður ei, til 26. júní nk.“

Í færslu Myndstefs fylgja svo eftirfarandi leiðbeiningar um hvernig hægt er að hafna þátttöku.

„Hægt er að smella á „account icon“, í efra hægra horninu, velja „settings & privacy“, og velja „Privacy Center“. Velja svo „Generative AI at Meta“, fara undir „How Meta uses information for generative AI models“, neðarlega er hægt að smella á „Right to object“.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Tók magnað drónamyndband við gosstöðvarnar í nótt

Tók magnað drónamyndband við gosstöðvarnar í nótt
Fréttir
Í gær

Sigrún Ýr er með ólæknandi krabbamein og á ekki rétt á bótum – Safnað fyrir meðferð – „Hún er algjör gullmoli“

Sigrún Ýr er með ólæknandi krabbamein og á ekki rétt á bótum – Safnað fyrir meðferð – „Hún er algjör gullmoli“
Fréttir
Fyrir 2 dögum

Hilda Jana gáttuð á framgöngu meirihlutans á Akureyri – Láta aldraða bíða, neita að borga reikningana og neita að gera grein fyrir máli sínu

Hilda Jana gáttuð á framgöngu meirihlutans á Akureyri – Láta aldraða bíða, neita að borga reikningana og neita að gera grein fyrir máli sínu
Fréttir
Fyrir 2 dögum

Dagur Þór dæmdur í tveggja ára fangelsi – Beitti hnúajárni gegn starfsmanni í Nettó

Dagur Þór dæmdur í tveggja ára fangelsi – Beitti hnúajárni gegn starfsmanni í Nettó
Fréttir
Fyrir 2 dögum

Ástin dó í Bandaríkjunum – Fyrrverandi eiginkona Gísla Hjálmtýssonar krefur hann um hundruð milljóna

Ástin dó í Bandaríkjunum – Fyrrverandi eiginkona Gísla Hjálmtýssonar krefur hann um hundruð milljóna
Fréttir
Fyrir 2 dögum

Mörg hundruð milljóna Ferrari stórskemmdur eftir að hafa keyrt á austfirska rollu

Mörg hundruð milljóna Ferrari stórskemmdur eftir að hafa keyrt á austfirska rollu