Blaðamanninum og stofnanda Wikileaks, Julian Assange, er heimilt að áfrýja framsali sínu til Bandaríkjanna. Þessu komst Hæstiréttur Bretlands að í dag.

Áður hafði verið fallist á framsalskröfu Bandaríkjanna sem vilja ólm draga Assange fyrir dóm fyrir meintar njósnir og fyrir að hafa lekið hernaðarleyndarmálum. Málið er talið af pólitískum toga og hafa stuðningsmenn Assange bent á að bandarísk yfirvöld freisti þess að svipta blaðamanninn þeirri vernd sem fjölmiðlar njóta að lögum með því að mála hann upp sem netglæpamann og njósnara, fremur en rannsóknarblaðamann. Eins er Assange sakaður um að hafa stofnað lífi leyniþjónustumanna í hættu með því að fela ekki nöfn þeirra í þeim gögnum sem hann birt.

Bandaríkin hafa lofað því að blaðamaðurinn fái réttláta málsmeðferð þar í landi. Með áfrýjunarleyfi getur Assange krufið þetta loforð niður til að varpa á ljósi hvort að raunverulega sé tryggt að hann muni njóta sannmælis og að tjáningarfrelsi hans verði virt.

Lögmenn blaðamannsins féllust í faðma þegar niðurstaðan var kynnt í dag, en og stuðningsmenn ráku up gleðihróp.

Nú mun Assange fá næstu mánuði til að undirbúa áfrýjun sína.