fbpx
Mánudagur 27.maí 2024
Fréttir

Rúmlega 100 sýnendur taka þátt á Verk og vit

Ragna Gestsdóttir
Mánudaginn 15. apríl 2024 13:58

Frá síðustu Verk og vit sýningu 2022.

Ekki missa af Helstu tíðindum dagsins í pósthólfið þitt

Lesa nánar

Stórsýningin Verk og vit verður haldin í sjötta sinn dagana 18.-21. apríl 2024 í Íþrótta- og sýningarhöllinni í Laugardal. Á sýningunni kynna fyrirtæki og stofnanir í byggingariðnaði, mannvirkjagerð og skipulagsmálum vörur sínar og þjónustu. Sýningin er opin fagaðilum alla sýningardagana, en almenningi gefst kostur á að heimsækja hana helgina 20.-21. apríl, eins og segir í tilkynningu.

,,Mikill áhugi hefur jafnan verið á sýningunni, bæði meðal fagaðila og almennings, og hefur gestafjöldi verið um 25.000 síðustu ár en þetta er í sjötta sinn sem sýningin er haldin. Þannig hefur Verk og vit fest sig í sessi sem lykilviðburður og einskonar uppskeruhátíð í byggingariðnaði, skipulagsmálum og mannvirkjagerð á Íslandi. Rúmlega 100 sýnendur taka þátt í ár, sem er svipaður fjöldi og á síðustu sýningum,“ segir Áslaug Pálsdóttir, framkvæmdaastjóri AP almannatengsla sem er framkvæmdaðili sýningarinnar.

,,Fjölbreytileiki sýnenda hefur aldrei verið meiri á sýningunni en nú. Með Verk og vit höfum við ekki eingöngu verið að skapa tækifæri fyrir íslenska markaðinn til að kynna vörur sínar og þjónustu heldur einnig unnið að því að skapa tækifæri fyrir erlenda aðila til að taka þátt í sýningunni sem sjálfstæðir sýnendur eða undir formerkjum íslenskra félaga,“ segir Áslaug ennfremur.

Samhliða sýningunni verður einnig haldin ráðstefna og aðrir viðburðir. Meðal sýnenda verða byggingaverktakar, verkfræðistofur, tækjaleigur, hugbúnaðarfyrirtæki, framleiðendur, menntastofnanir og ráðgjafafyrirtæki og er mikill hugur í þeim að gera sýninguna sem glæsilegasta. Allt sýningarrými var orðið upppantað strax síðasta haust og ljóst að þeir sem hafa tekið þátt í fyrri sýningum ætluðu ekki að missa af viðburðinum í ár.

AP almannatengsl er framkvæmdaraðili sýningarinnar en samstarfsaðilar eru mennta- og barnamálaráðuneytið, innviðaráðuneytið, Samtök iðnaðarins, Byko og Landsbankinn.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 12 klukkutímum

Tilkynnt um mann sem „beraði sig og hristi“

Tilkynnt um mann sem „beraði sig og hristi“
Fréttir
Fyrir 13 klukkutímum

Stoltenberg vill að Úkraínumenn fái að nota vestræn vopn til árása á rússneskt landsvæði

Stoltenberg vill að Úkraínumenn fái að nota vestræn vopn til árása á rússneskt landsvæði