Áform borgarstjórnarmeirihlutans um þéttingu byggðar í Grafarvogi hafa mælst misvel fyrir og vakið mótmæli íbúa. Morgunblaðið leggst gegn þessum áformum í leiðara blaðgsins í dag. Þar segir:

„Gríðarleg óánægja hef­ur brot­ist fram í Grafar­vogi vegna yf­ir­gengi­legra þétt­ingaráforma borg­ar­yf­ir­valda í hverf­inu. Á síðustu dög­um hafa verið haldn­ir þar tveir fund­ir sem sam­tals nærri þúsund íbú­ar sóttu, sem lýs­ir vel óánægj­unni í átján þúsund manna hverfi.

Óánægj­an er til kom­in vegna þess að borg­ar­yf­ir­völd hyggj­ast ganga mjög á græn svæði í hverf­inu og fjölga íbú­um um átján þúsund manns sam­kvæmt mati íbúa­sam­tak­anna, sem fengu ekki svör frá borg­inni um áætlaðan fjölda á fyr­ir­huguðum þétt­ing­ar­reit­um svo að íbúa­sam­tök­in áætluðu fjöld­ann sjálf út frá for­send­um um fyr­ir­hugaða fjölg­un íbúða. Inni í þess­ari tölu er upp­bygg­ing í Keldna­landi, sem íbú­ar ótt­ast að þrengi meðal ann­ars að um­ferð til og frá hverf­inu.“

Mogginn segir að áformin séu í samræmi við stefnu borgarinnar undanfarin ár undir forystu Dags B. Eggertssonar, sem haldi áfram þó að hann hafi yfirgefið borgarstjórastólinn. Stefnan hafi leitt til hækkunar húsnæðisverðs og aukinnar verðbólgu og hafi orðið þjóðinni dýrkeypt. Ekkert bendi til að borgastjórnarmeirihlutinn ætli að hverfa frá þessari stefnu sem hafi fækkað grænum svæðum og dregið úr lífsgæðum.

Segir að hverfa þurfi frá þessari þéttingarstefnu en ekkert bendi til að það sé í spilunum:

„Íbúar Grafar­vogs og Reykja­vík­ur allr­ar eiga skilið að borg­ar­full­trú­ar, ekki síst þeir sem nú sækj­ast eft­ir að ger­ast einnig þing­menn Reykja­vík­ur, end­ur­skoði af­stöðu sína til ofurþétt­ing­ar í borg­inni. Nóg er komið af háu hús­næðis­verði og eyðilegg­ingu grænna svæða. Kredd­urn­ar verða að víkja áður en tjónið verður óbæt­an­legt.“