fbpx
Miðvikudagur 02.júlí 2025
Fréttir

Japanir biðja Dani að framselja Watson – Snúin pólitísk ákvörðun

Kristinn H. Guðnason
Fimmtudaginn 1. ágúst 2024 11:30

Watson segir að ef hann verði sendur til Japan komi hann aldrei til baka. Mynd/Youtube

Ekki missa af Helstu tíðindum dagsins í pósthólfið þitt

Lesa nánar

Japönsk stjórnvöld hafa farið fram á að hvalafriðunarsinninn Paul Watson verði framseldur. Watson er í gæsluvarðhaldi í Grænlandi.

AFP greinir frá því í dag að dómsmálaráðuneyti Danmerkur hafi tilkynnt um framsalsbeiðnina.

„Dómsmálaráðuneytið fékk formlega beiðni frá japönskum yfirvöldum í gær um að Paul Watson verði framseldur,“ segir í fréttinni. Að sögn ráðuneytisins verður beiðninni vísað til grænlensku lögreglunnar nema að ráðuneytið finni ástæðu til þess að hafna beiðninni.

Verði beiðnin send til grænlensku lögreglunnar mun hún rannsaka hvort það sé grundvöllur fyrir framsali, meðal annars út frá þeim reglum sem gilda um framsal frá Grænlandi.

Lokaákvörðunin um hvort að Watson verði framseldur er hjá danska dómsmálaráðherranum Peter Hummelgaard.

Sjá einnig:

Hvalfriðunarsinninn Paul Watson sér ekki eftir neinu – Gæti átt 15 ára fangelsisvist yfir höfði sér

Líklegt þykir að málið gæti reynst dönskum stjórnvöldum erfitt. Emmanuel Macron Frakklandsforseti hefur beitt sér í málinu og þrýst á dönsk stjórnvöld að sleppa Watson, sem er búsettur í Frakklandi. Einnig tugir franskra þingmanna og Evrópuþingmanna.

Hvalveiðar eru einungis löglegar í þremur ríkjum, Íslandi, Noregi og Japan, og eru afar óvinsælar. Þrátt fyrir að handtaka Watson þann 21. júlí, vegna meintrar árásar á hvalveiðiskip árið 2010, og framsalsbeiðni Japana séu byggð á lögum gæti reynst snúið fyrir Dani að samþykkja hana.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Sverrir um ungu tæknitrúðana sem hanna gervigreind – „Þeir tala raunar eins og það sé þeim bókstaflega lífsspursmál að tortíma störfum fólks“

Sverrir um ungu tæknitrúðana sem hanna gervigreind – „Þeir tala raunar eins og það sé þeim bókstaflega lífsspursmál að tortíma störfum fólks“
Fréttir
Í gær

Telja að Trump dragi sig í hlé sem sáttasemjari á milli Rússlands og Úkraínu

Telja að Trump dragi sig í hlé sem sáttasemjari á milli Rússlands og Úkraínu
Fréttir
Fyrir 2 dögum

Hraunað yfir Gunnar Smára og allt á suðupunkti hjá sósíalistum – „Þetta er svo vitlaust að það er bara hlægilegt“

Hraunað yfir Gunnar Smára og allt á suðupunkti hjá sósíalistum – „Þetta er svo vitlaust að það er bara hlægilegt“
Fréttir
Fyrir 2 dögum

Kona sem flýði blokkina í Írabakka eftir ónæði í sjö ár – „Ég kvartaði næstum daglega í Félagsbústaði“

Kona sem flýði blokkina í Írabakka eftir ónæði í sjö ár – „Ég kvartaði næstum daglega í Félagsbústaði“