Tilkynnt var um tvo grímuklædda og grunsamlega aðila á rafhlaupahjólum í hverfi 200. Þegar lögregla kom á vettvang var um að ræða tvomenn að tína upp dósir og flöskur. Kemur þetta fram í dagbók lögreglunnar.
Bifreið hafnaði utan vegar við Rauðavatn og varð bifreiðin alelda. Ökurmaðurinn var fluttur á slysadeild til frekari aðhlynningar.
Tilkynnt um aðila sem neituðu að yfirgefa gistiheimili í hverfi 101. Aðilunum vísað út af lögreglu án vandræða. Eignaspjöll voru gerð á bifreið í hverfi 111. Lögregla sinnti málinu og það er í rannsókn. Tilkynnt um einstakling að ónáða fólk á veitingastað í hverfi 105 og var honum vísað út af lögreglu án vandræða.
Nokkrir ökumenn voru stöðvaðir grunaðir ýmist um akstur undir áhrifum áfengis, ávana- og fíkniefna og/eða að aka sviptur ökuréttindum sínum. Þrír voru handteknir og færðir á lögreglustöð, aðrir eiga von á sekt.
Skráningarmerki voru tekin af einni bifreið.
