Mikin fjölda dauðra fiska má nú finna í og við Grenlæk vegna vatnsþurrðar. Þetta er í þriðja sinn sem slíkt umhverfisslys á sér stað, síðast gerðist það árið 2021 og þar áður árið 2016. Í Grenlæk er einn stærsti sjóbirtingsstofn landsins og þar eru mjög verðmæt veiðihlunnindi. Staðan er sérstaklega alvarleg í ljósi þess hve snemma að vori þetta gerist en það þýðir að mikið af fiski er í læknum.
„Ég fékk að ganga meðfram Grenlæk fyrir fáum dögum til að skoða þetta fallega svæði og aðkoman var vægast sagt sorgleg og ógeðsleg og óþefurinn eftir því,“ sagði sjónarvottur, Sigurjón Arnarsson, í samtali við veiðvefinn veiðar.is sem fjallar um málið og birtir myndir af vettvangi.
