En nú ber sífellt meira á því að þessir sömu aðilar krefjist meiri fórna frá rússneskum almenningi.
Þetta kemur fram í nýlegu stöðumati breska varnarmálaráðuneytisins á gangi stríðsins. Segir ráðuneytið að meðal annars hafi tillaga, verið kynnt til sögunnar, sem gangi út á að vinnuvikan verði sex dagar og að tveimur klukkustundum verði bætt við vinnudaginn í þeim verksmiðjum sem framleiða vopn.
Samkvæmt tillögunni þá á starfsfólkið ekki að fá hærri laun fyrir þessa auknu vinnu.
Segir varnarmálaráðuneytið að tónninn í umræðunni minni mjög á samfélagslegar þvingunaraðgerðir í sovéskum stíl. Þetta bendi einnig til þess að valdamenn telji að efnahagsmálin séu afgerandi þáttur hvað varðar það að sigra í stríðinu.