Héraðsdómur Reykjaness hefur dæmt mann í tveggja ára fangelsi fyrir heimilisofbeldi og hótanir. Dómurinn er langur og ítarlegur og inniheldur umfangsmikla ofbeldissögu.

Maðurinn var ákærður fyrirr stórfelld brot í nánu sambandi gegn fyrrverandi sambýliskonua sinni fyrir að hafa á árunun 2009 til 2020 „ítrekað, endurtekið og á alvarlegan og sérstaklega sársaukafullan og meiðandi hátt ógnað lífi hennar, heilsu og velferð með líkamlegu og andlegu ofbeldi, tekið hana hálstaki, ógnað henni með hnífi, slegið hana í hálsinn, öskrað á hana, ýtt henni, gripið í og togað í hana, kastað til og brotið innanstokksmuni, brotið gegn friðhelgi einkalífs hennar og hótað henni og aðilum henni tengdum, m.a. lífláti og líkamsmeiðingum…“

Maðurinn er sakaður um að hafa hótað því að hringja inn sprengjuhótun ef konan, sem var flugfreyja, færi í flug til Montreal vegna vinnu sinnar. Hafði maðurinn ítrekað sakað hana um að sofa hjá flugliðum og flugstjórum í vinnuferðum.

Hann var ennfremur ákærður fyrir skilaboð til konunnar á Messenger árið 2019 þar sem hann hótaði að ráðast á hana og fleira fólk með exi. Maðurinn er ákærður fyrir eftirfarandi, orðréttar hótanir og svívirðingar á Messenger:

„Þu skemmdir heimilis astandið með stanslausum frammhja holdum og fara a bakvið mig að wow hórast“

[…]Sagðiru lækninum ekki frá hóru ferlinum?“

„[…]Dansa við negra a ballinu. Horfði a það. Haltu bara kjafti[…]“

„[…]Hata þig. Algjort fifl.“.

„[…]annað hvort ertu alveg týnd eða eitthver ílla innrættasta manneskja sem er
til[…]“
.
„[…]ef ég vil sofa þar sem ég á eignarhlut. kem ég ef mig langar[…]“

Einnig sagði maðurinn að konan væri sífellt að „hórast í þessum flugum“.

Maðurinn er ákærður vegna fjölmargra annarra atvika þar sem hann var ýmist sakaður um ofbeldishótanir eða líkamlegt ofbeldi. Einnig er hann sakaður um að hafa misboðið nýfæddum syni sínum, en atvikið er orðað svo í dómnum:

„Með því að hafa, í eitt skipti eftir fæðingu C, þegar drengurinn átti erfitt með að sofna, ruðst inn í herbergi til sonarins, tekið í rúm hans og þrykkt því til og ákærði þannig misboðið syni sínum og sýnt honum vanvirðingu, svo andlegri og líkamlegri heilsu drengsins var hætta búin og velferð hans ógnað.“

Maðurinn var einnig ákærður fyrir vörslu frammistöðubætandi lyfja og fyrir líkamsárás á karlmann í verslun árið 2020.

Maðurinn játaði sum brotanna en neitaði öðrum. Framburður konunnar fyrir dómi þótti hins vegar mun trúverðugri en hans framburður auk þess sem frásögn hennar var studd gögnum sem tengjast dvölum hennar í Kvennaathvarfinu og tilkynningum til lögreglu. Í dómsniðurstöðu segir meðal annars:

„Við heildarmat á framferði ákærða ber að líta til þess að brotaþoli hefur bæði hjá lögreglu og fyrir dómi borið með trúverðugum hætti um að ákærði hafi gegnum árin oft tekið hana hálstaki, ýmist í reiðiham og/eða afbrýðisemisköstum og hann stundum brotið allt og bramlað á heimili þeirra. Þá verður ekki komist hjá því að rifja upp ósmekkleg ummæli ákærða á Facebook, sbr. kafli V.-9.1. dómsins, en meðal þess sem ákærði lét fljóta í samskiptum við þáverandi sambýliskonu sína í júlí og ágúst 2019 var að hún hafi skemmt líf þeirra með stanslausum framhjáhöldum og verið „að wow hórast“.“

Maðurinn var dæmdur í tveggja ára fangelsi. Hann var jafnframt dæmdur til að greiða konunni 3,5 milljónir í miskabætur og manni sem hann réðist á í verslun 250.000 krónur í miskabætur.

Dóminn má lesa hér.