Þetta gerist á sama tíma og Rússar reyna að verða óháðir erlendri tækni en þetta er afleiðing refsiaðgerða Vesturlanda.
En þeir vísindamenn sem enn halda sig í Rússlandi eiga á hættu að lenda upp á kant við nýja og stranga löggjöf sem var innleidd í kjölfar innrásarinnar í Úkraínu.
Löggjöfin gerir yfirvöldum kleift að dæma fólk til langrar fangelsisvistar ef það gagnrýnir rússnesk stjórnvöld opinberlega eða hina „sérstöku hernaðaraðgerð“ en það er það sem rússnesk stjórnvöld kalla stríðið í Úkraínu.
Meðal þeirra sem hafa orðið fyrir barðinu á þessum lögum eru þrír vísindamenn frá Stofnun fræðilegra og nytsamrar vélfræði. Þeir voru handteknir og sakaðir um landráð. Stofnunin birti í kjölfarið opið bréf þar sem miklum áhyggjum er lýst af þróun mála.
„Við skiljum einfaldlega ekki hvernig við eigum að geta haldið starfi okkar áfram. Upplifun okkar er að sérhver grein eða skýrsla geti leitt til ákæru um landráð,“ segir í bréfinu.
Stofnunin varar einnig við að Rússar muni sitja eftir hvað varðar tækniþróun á ofurhljóðfráa sviðinu en hún er meðal annars notuð til að búa til ofurhljóðfrá flugskeyti.
