Lögreglan auglýsir eftir eiganda peninga sem heiðarlegur borgari fann í verslun í Mosfellsbæ í síðustu viku og kom þeim í hendur lögreglu.
Í færslu lögreglunnar segir að um sé að ræða upphæð sem skiptir flesta máli. Vonandi verði hægt að koma peningunum aftur í réttar hendur, en eigandinn verður beðinn um staðfestingu á eignarhaldi, líkt og tíðkast í svona málum. Hægt er að senda fyrirspurn á netfangið oskilamunir@lrh.is.