Annar flugmannanna birti mynd af kaffibolla og meðlæti á Twitter og olli hún miklu uppnámi í flugheiminum og á netinu að sögn CNN.
Ástæðan er að þetta hefði getað farið mjög illa ef sullast hefði úr kaffibollanum sem var staðsettur hættulega nálægt stjórntækjum vélarinnar.
Talsmaður SpiceJet sagði CNN að flugmönnunum hefði verið vikið frá störfum á meðan rannsókn á atvikinu fer fram. Hann sagði að strangar reglur gildi hjá félaginu um neyslu matar og drykkjar í flugstjórnarklefanum.