fbpx
Mánudagur 20.mars 2023
Fréttir

Kadyrov íhugar að stofna einkaher á borð við Wagnerhópinn

Ritstjórn DV
Föstudaginn 24. febrúar 2023 07:00

Ramzan Kadyrov. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Málaliðar úr Wagnerhópnum, téténskir undirmenn Ramzan Kadyrov leiðtoga Téténíu og rússneski herinn eiga það sameiginlegt að berjast í Úkraínu undir fána Rússlands.

En svo virðist sem hinu góða samstarfi þeirra ljúki þar því leiðtogar þessara þriggja hópa, Yevgeny Prigozhin eigandi Wagner, Ramsan Kadyrov leiðtogi Téténíu

og Vladímír Pútín Rússlandsforseti, eru ekki alltaf ánægðir með hver annan.

Þetta kemur fram í nýlegu mati bandarísku hugveitunnar Institute for the Study of War (ISW) um gang stríðsins í Úkraínu.

Í þessu mati kemur meðal annars fram að Prigozhin sé að reyna að auka völd sín í Rússlandi með því að reyna að tryggja Wagner-hópnum stöðuna sem úrvalshermenn landsins. Hann hefur ítrekað gagnrýnt rússneska varnarmálaráðuneytið og herinn í þeirri viðleitni sinni að láta Wagner-hópinn taka yfir fleiri þætti stríðsrekstursins.

ISW segir að Prigozhin hafi reynt að fá Kadyrov og hermenn hans til að snúast gegn rússneska varnarmálaráðuneytinu og þar með stjórn Pútíns.

Þessu hefur Kadyrov hafnað að sögn ISW því hann sjái mun meiri ávinning af að halda núverandi stöðu sinni sem leiðtogi Téténíu en að mynda bandalag með Prigozhin í deilum við Pútín.

Flemming Splidsboel, sérfræðingur í rússneskum málefnum hjá dönsku hugveitunni DIIS, sagði í samtali við TV2 að svo virðist sem einhverskonar uppgjör eigi sér stað á milli Kadyrov og Prigozhin. Þeir hafi haft sömu stefnu en nú geti verið að Kadyrov telji að Prigozhin hafi gengið of langt.

ISW segir að Prigozhin ætli nú að reyna að fá rússneska öfgaþjóðernissinna til liðs við Wagner í áróðursstríði hans gegn rússneska hernum.

Splidsboel sagði að orðrómar hafi verið um að Prigozhin hafi verið ýtt til hliðar og hafi beðið ákveðinn skaða. Hann sagðist ekki telja að hann sé búinn að vera eins og sumir hafa haldið fram.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 14 klukkutímum

Pútín segist hafa heimsótt Maríupól – „Ég er ekki sannfærður um að hann hafi verið þar“

Pútín segist hafa heimsótt Maríupól – „Ég er ekki sannfærður um að hann hafi verið þar“
Fréttir
Í gær

Harmleikurinn á Grundarstíg: Íbúum ber ekki saman um ónæði – „Ég bauð bara gott kvöld“

Harmleikurinn á Grundarstíg: Íbúum ber ekki saman um ónæði – „Ég bauð bara gott kvöld“
Fréttir
Fyrir 2 dögum

Erik Valur mætir í lyfjagjöf á þriggja vikna fresti allt árið – „Þetta er daglegt líf þessara barna“

Erik Valur mætir í lyfjagjöf á þriggja vikna fresti allt árið – „Þetta er daglegt líf þessara barna“
Fréttir
Fyrir 2 dögum

Snjóflóð féll á sjö manna skíðahóp – Tveir slasaðir fluttir til Akureyrar

Snjóflóð féll á sjö manna skíðahóp – Tveir slasaðir fluttir til Akureyrar
Fréttir
Fyrir 3 dögum

Sérsveitarmaður með áfallastreituröskun eftir lífshættulega aðgerð í Hraunbæ

Sérsveitarmaður með áfallastreituröskun eftir lífshættulega aðgerð í Hraunbæ
Fréttir
Fyrir 4 dögum

Ekkert lát á þjófnaði úr ferðatöskum á Tenerife – „Þessi eyja er dásamleg en maður fer að setja spurningamerki við hana“

Ekkert lát á þjófnaði úr ferðatöskum á Tenerife – „Þessi eyja er dásamleg en maður fer að setja spurningamerki við hana“