„Þetta kom okkur á óvart, við höfðum enga vitneskju um þetta fyrr en allt í einu að inn fóru að streyma tilvísanir tugum saman frá móttökustöð hælisleitenda og fólkið sagt ýmist heyrnarskert eða heyrnarlaust.“
Þetta segir Kristján Sverrisson, forstjóra Heyrnar- og talmeinastöðvar Íslands, í samtali við Morgunblaðið í dag.
Í frétt blaðsins er greint frá því að fjöldi heyrnarlausra hælisleitenda sem koma hingað til lands frá Úkraínu sé 25-falt meiri en leitað hefur til landa Evrópusambandsins eftir að stríðið braust út í landinu.
Berglind Stefánsdóttir, skólastjóri Hlíðaskóla, segir að óvenju margir heyrnarlausir flóttamenn hafi komið til Íslands og það megi meðal annars rekja til myndbands þar sem fólki er lofað öllu fögru. Þannig sé til dæmis auðvelt að fá vinnu og húsnæði á Íslandi og fólk komist þar að auki fljótt á örorkubætur. Hlíðaskóli veitir heyrnarlausum börnum kennslu í táknmáli.
Í frétt Morgunblaðsins kemur fram að alls hafi um 100 heyrnarlausir flóttamenn skráð sig hjá Félagi heyrnarlausra og fengið þjónustu.
