Antony Blinken, utanríkisráðherra Bandaríkjanna, segir að Yevgeny Prigozhin, stofnandi og eigandi Wagnerhópsins, hafi fulla ástæðu til að hafa áhyggjur af eigin öryggi og vísaði þar til dularfullra dauðdaga margra andstæðinga Pútíns.

„Ef ég væri Prigozhin, myndi ég hafa miklar áhyggjur. NATO er með opnar dyr stefnu, Rússar eru með opna glugga stefnu. Hann verður að hafa það í huga,“ sagði Blinken á öryggisráðstefnunni í Aspen í Colorado í síðustu viku.

Hann sagði erfitt að segja til um hversu mikið skammvinn uppreisn Prigozhin og hans manna hafi veikt Pútín en sagði að „brestir“ séu komnir í völd Pútíns.