Stundum er sagt að stærðin skipti ekki máli. En stærðin er eitthvað sem skiptir Vladímír Pútín, Rússlandsforseta, máli og er þá átt við hæð hans.

Berlingske skýrir frá því að út frá fjölda ljósmynda og myndbandsupptaka megi ráða að Pútín vilji ekki vera litli maðurinn þegar hann er innan um fólk.

Á myndum, sem hafa verið birtar á Twitter af rússneskum áróðursrásum, sést hvernig Pútín hefur fundið snjalla lausn til að verða hærri en þeir 170 cm sem hann er í raun.

Á mynd frá heimsókn hans í Moskvuháskóla sést að undir skóm hans eru sérstakir hælar sem geta hækkað hann um allt að 15 cm.

Vestrænir sérfræðingar segja að ekki eigi að vera óþægilegt að vera í skóm af þessu tagi.