Á áttunda tímanum í gærkvöldi var lögreglunni á höfuðborgarsvæðinu tilkynnt um mann sem var talinn líklegur til að taka eigið líf. Hann fannst heill á húfi og var komið undir læknishendur.

Maður var handtekinn í Miðborginni á sjöunda tímanum í gærkvöldi grunaður um hótanir. Hann var vistaður í fangageymslu.

Á tólfta tímanum var maður handtekinn í Hlíðahverfi grunaður um líkamsárás. Hann var vistaður í fangageymslu. Þolandinn hlaut minniháttar áverka.

Lögreglan aðstoðaði leigubifreiðastjóra í Háaleitis- og Bústaðahverfi á öðrum tímanum í nótt vegna fjársvika.

Þrír ökumenn voru handteknir í gærkvöldi og nótt grunaðir um að vera undir áhrifum áfengis og/eða fíkniefna.

Einn ökumaður var kærður fyrir að aka sviptur ökuréttindum.