Á öðrum tímanum í nótt var rafhlaupahjóli ekið á bifreið í Miðborginni. Annar ökumaðurinn er grunaður um ölvun við akstur og var vistaður í fangageymslu vegna rannsóknar málsins.

Auk hans voru þrír aðrir ökumenn handteknir í gærkvöldi og nótt grunaðir um að vera undir áhrifum áfengis og/eða fíkniefna. Allir reyndust þeir vera sviptir ökuréttindum.

Í Háaleitis- og Bústaðahverfi var einn ökumaður handtekinn í gærkvöldi vegna skemmdarverka. Hann var vistaður í fangageymslu.

Lögreglan hafði afskipti af manni sem gat ekki greitt fyrir veitingar sem hann hafði pantað.

Tilkynnt var um innbrot í heimahús í Miðborginni á áttunda tímanum í gærkvöldi.