fbpx
Fimmtudagur 29.febrúar 2024
Fréttir

WHO varar við miklum kórónuveiruvanda í haust

Kristján Kristjánsson
Fimmtudaginn 21. júlí 2022 05:57

Það eru til margar veirur, mishættulegar. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Alþjóðaheilbrigðismálastofnunin WHO sendi á þriðjudaginn frá sér aðvörun um að haustið og veturinn verði erfið hvað varðar heimsfaraldur kórónuveirunnar.

Aðvörunin var send út vegna þess að smitum hefur fjölgað mikið og vegna þess að bæði almenningur og stjórnvöld eru ekki eins vakandi fyrir faraldrinum og áður.

Hans Kluge, svæðisstjóri WHO í Evrópu, sagði það skipta öllu máli að brugðist verði hratt við í ríkjum álfunnar til að lagfæra „göt“ í eftirlitinu með faraldrinum. Það þurfi skjótar aðgerðir til að koma í veg fyrir dauðsföll.

Hann sagði að boðskapur hans til ríkisstjórna og heilbrigðisyfirvalda sé að grípa þurfi til aðgerða núna til að undirbúa sig fyrir næstu mánuði.

Hann benti á að á suðurhveli jarðar sé nú vetur. Þar herji inflúensa af miklum krafti og hún og kórónuveiran valdi miklu álagi á heilbrigðiskerfið. „Við munum líklega sjá svipaða stöðu á norðurhvelinu þegar kemur fram á haust og við mjökumst inn í veturinn. Ef heilbrigðisyfirvöld grípa til aðgerða núna geta þau dregið úr væntanlegum truflunum í samfélaginu,“ sagði hann.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 14 klukkutímum

Þjóðskrá segir Önnu og Gunnlaug geta ekki átt lögheimili á Íslandi – „Það er í alvöru hægt að „henda okkur úr landi““

Þjóðskrá segir Önnu og Gunnlaug geta ekki átt lögheimili á Íslandi – „Það er í alvöru hægt að „henda okkur úr landi““
Fréttir
Fyrir 15 klukkutímum

Rafmagnslaust víða í Eyjafirði

Rafmagnslaust víða í Eyjafirði