fbpx
Miðvikudagur 22.júní 2022
Fréttir

Hryllingsárásin fyrir utan 203 Club: Réttað yfir Daníel og Raúl í ágúst – Ákært fyrir tilraun til manndráps

Ágúst Borgþór Sverrisson
Miðvikudaginn 22. júní 2022 12:26

Mynd: Ernir

Ekki missa af Helstu tíðindum dagsins í pósthólfið þitt

Lesa nánar

Þann 15. ágúst næstkomandi verður aðalmeðferð fyrir Héraðsdómi Reykjavíkur í máli gegn þeim Daníel Zambrana Aquilar, sem fæddur er árið 1999, og Raúl Ríos Rueda, sem fæddur er árið 1997, vegna einstaklega hrottafullrar líkamsárásar sem gerð var á ungan mann fyrir utan skemmtistaðinn 203 Club í Austurstræti, í byrjun mars.

Ákæra héraðssaksóknara í málinu, sem DV hefur undir höndum, var gefin út um síðustu mánaðamót. Í ákærunni er Daníel sakaður um tilraun til manndráps en Raúl um líkamsárás.

Árásin vakti mikla athygli á sínum tíma en móðir brotaþolans tjáði sig um atvikið með opinskáum hætti á Facebook. Móðirin gagnrýndi að viðstaddir hafi ekki komið syni hennar til aðstoðar, en dyraverðir á 203 Club fylgdust með en gerðu ekkert, að hennar sögn, og þurfti sonur hennar sjálfur að koma sér að sjúkrabíl og óska þar eftir hjálp.

Samkvæmt ákæru réðst Daníel á brotaþola með óþekktu stunguvopni, líklega skrúfjárni, og stakk hann margsinnis í efri búk. Raúl á hins vegar að hafa kýlt brotaþolann margsinnis með krepptum hnefum í höfuð og efri hluta líkama. Brotaþolinn hlaut samfall á lungum beggja vegna, sár á framvegg brjóstkassa, mörg sár á bakvegg brjóstkassa, mar og yfirborðsáverka á höfði og dreifða yfirborðsáverka á líkama.

Þess er krafist að Daníel og Raúl verði dæmdir til refsingar og greiðslu alls sakarkostnaðar.

Gerð er einkaréttarkrafa fyrir hönd brotaþolans um miskabætur, er krafist rúmlega fjögurra milljóna króna frá Daníel og 900 þúsund króna frá Raúl.

Sem fyrr segir verður aðalmeðferð í málinu við Héraðsdóm Reykjavíkur þann 15. ágúst næstkomandi.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 19 klukkutímum

Banaslys á Djúpavogi

Banaslys á Djúpavogi
Fréttir
Fyrir 21 klukkutímum

Maðurinn sem gat ekki hætt að stela bensíni frá N1

Maðurinn sem gat ekki hætt að stela bensíni frá N1
Fréttir
Fyrir 23 klukkutímum

Óttuðust að maður ætlaði að fyrirfara sér í Kópavogsfjörunni

Óttuðust að maður ætlaði að fyrirfara sér í Kópavogsfjörunni
Fréttir
Í gær

Felix vænir stjórnendur í sundheiminum um transfóbíu – Segir hatrið „gjörsamlega yfirgengilegt“

Felix vænir stjórnendur í sundheiminum um transfóbíu – Segir hatrið „gjörsamlega yfirgengilegt“
Fréttir
Í gær

Eva kemur Arnari til varnar og gagnrýnir lögmannastéttina – „Frelsi manna til að níða skóinn af náunga sínum hefur aukist verulega“

Eva kemur Arnari til varnar og gagnrýnir lögmannastéttina – „Frelsi manna til að níða skóinn af náunga sínum hefur aukist verulega“
Fréttir
Í gær

Björn Þorláks fær 7 milljónir frá íslenska ríkinu

Björn Þorláks fær 7 milljónir frá íslenska ríkinu
Fréttir
Fyrir 2 dögum

Segir Rússa greiða dýru verði að „vera ekki í stríði“

Segir Rússa greiða dýru verði að „vera ekki í stríði“
Fréttir
Fyrir 2 dögum

Breskur herforingi segir að breski herinn verði að undirbúa sig undir stríð í Evrópu

Breskur herforingi segir að breski herinn verði að undirbúa sig undir stríð í Evrópu