fbpx
Miðvikudagur 29.júní 2022
Fréttir

Hin óhugnanlega áætlun Pútíns

Kristján Kristjánsson
Þriðjudaginn 14. júní 2022 05:47

Pútín er sagður vera með óhugnanlega áætlun. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Vladímír Pútín, Rússlandsforseti, hefur í hyggju að svelta Afríkubúa og fleiri til að hrekja þá á flótta til ESB með tilheyrandi vandamálum fyrir bæði förufólkið og ESB. Þetta er mat Timothy Snyder, prófessors við Yale háskólann í Bandaríkjunum.

Sameinuðu þjóðirnar segja að vegna þess að Úkraínumenn geta ekki flutt út korn vegna stríðsins geti komið til hungursneyðar í Afríku. Rússland og Úkraína eru einir stærstu korn- og hveitiframleiðendur heims og hefur Úkraína stundum verið nefnd „matarkista“ heimsins. En nú liggja tugir milljóna tonna af korni í úkraínskum vörugeymslum og komast ekki úr landi. Rússnesk herskip loka fyrir siglingar til og frá úkraínskum höfnum við Svartahaf og Rússar hafa lagt stór landbúnaðarsvæði undir sig.

Sameinuðu þjóðirnar vöruðu við því í síðustu viku að stríðið geti orsakað hungursneyð eða álíka aðstæður fyrir 49 milljónir manna, aðallega í Afríku og Asíu. Antonio Guterres, aðalritari SÞ, sagði að stríðið í Úkraínu og önnur vandamál ógni fólki um allan heim og geti orsakað bylgju, af áður óþekktri stærð, af hungri og neyð sem muni hafa mikil efnahagsleg og félagsleg áhrif.

Snyder, sem er sérfræðingur í málefnum Úkraínu og hlutverki matvæla í stríði og stórpólitík, skrifaði færslu á Twitter á laugardaginn sem hefur vakið mikla athygli og umræðu. „Í áætlun Pútíns um hungur felst einnig til að búa til flóttamenn frá Norður-Afríku og Miðausturlöndum. Svæði sem Úkraína brauðfæðir venjulega. Þetta mun valda óstöðugleika í ESB,“ skrifaði hann.

Hann segir að áætlun Pútíns sé í þremur hlutum. Sá fyrsti er að koma í veg fyrir að Úkraína geti flutt korn úr landi en það er síðan hluti af heildaráætlun hans um að eyðileggja Úkraínu sem land.

Næsti hluti er að vegna þess að Úkraína getur ekki flutt kornið úr landi muni straumur förufólks til ESB þyngjast og það valda tilheyrandi félagslegum óróleika sem raskar jafnvæginu í ESB.

Síðasti hluti áætlunarinnar er síðan hungursneyðin sem Pútín mun nota í áróðursstríði sínu. „Að lokum og það hræðilegasta, er að hungursneyð á heimsvísu er nauðsynlegt verkfæri í áróðursmaskínu Rússa gagnvart Úkraínu. Fjöldadauði er nauðsynlegur sem leiktjald fyrir áróðurskeppnina,“ skrifaði Snyder.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 12 klukkutímum

Monica Lewinsky kallar eftir því að níðingarnir verði látnir svara til saka

Monica Lewinsky kallar eftir því að níðingarnir verði látnir svara til saka
Fréttir
Fyrir 14 klukkutímum

Segir að ekkert stríð væri í Úkraínu ef Pútín væri kona

Segir að ekkert stríð væri í Úkraínu ef Pútín væri kona
Fréttir
Í gær

Eldur í Dalshrauni

Eldur í Dalshrauni
Fréttir
Í gær

Dularfull pest herjar á Íslendingahótel á Tenerife – Gubbað í matsalnum, í sundlaugina og við lyfturnar

Dularfull pest herjar á Íslendingahótel á Tenerife – Gubbað í matsalnum, í sundlaugina og við lyfturnar
Fréttir
Fyrir 2 dögum

Ólga meðal íbúa í Kópavogi vegna ítrekaðra sprenginga – „Eins og bíll hafi keyrt á húsið“

Ólga meðal íbúa í Kópavogi vegna ítrekaðra sprenginga – „Eins og bíll hafi keyrt á húsið“
Fréttir
Fyrir 2 dögum

Lögreglan leitar manns

Lögreglan leitar manns