fbpx
Föstudagur 01.júlí 2022
Fréttir

Hersir fékk þriggja síðna kvörtun frá Bankasýslunni því að hann setti „like“ við tiltekna Facebook-færslu – „Ég kann ekki við slíkt eftirlit“

Ritstjórn DV
Föstudaginn 20. maí 2022 10:27

Hersir Sigurgeirsson, dósent, og Jón Gunnar Jónsson, forstjóri Bankasýslunnar

Ekki missa af Helstu tíðindum dagsins í pósthólfið þitt

Lesa nánar

Hersir Sigurgeirsson, dósent í viðskiptafræði við Háskóla Íslands greinir frá því að hann hafi lokið aðkomu sinni að úttekt Ríkisendurskoðunar á á sölu á hlut ríkisins í Íslandsbanka. Ástæðan er sú að honum var tilkynnt símleiðis að Ríkisendurskoðun hefði borist þriggja blaðsíðna kvörtun frá Bankasýslunni, undirrituð af forstjóranum Jóni Gunnari Jónssyni, um að hann hafi sett „like“ á tiltekna færslu á fb sem varðaði útboðið. Frá þessu greinir Hersir á Facebook-síðu sinni en honum mislíkaði þessir starfshættir og ákvað því að segja sig frá verkefninu.

Hér má lesa færslu Hersis í heild sinni:

Kæru vinir, mig langar að segja ykkur örstutt frá starfsháttum Bankasýslunnar sem ég hef fengið að kynnast á undanförnum dögum.

Ríkisendurskoðandi hafði samband við mig hinn 11. apríl sl. og óskaði eftir því að ég yrði Ríkisendurskoðun til ráðgjafar við úttekt á sölu á hlut ríkisins í Íslandsbanka.
Ég ákvað að verða við beiðninni, enda með viðeigandi þekkingu og reynslu vegna starfa minna á fjármálamarkaði og við Háskólann, og hef unnið að verkefninu undanfarnar vikur. Bankasýslan, Fjármálaráðuneytið og fleiri sem úttektin tekur til voru upplýst um mína aðkomu að henni.

Í fyrradag fékk ég svo símtal frá ríkisendurskoðanda sem sagði mér að honum hefði borist bréf frá Bankasýslunni með ábendingu um að ég hafi sett “like” á tiltekna færslu á fb sem varðaði útboðið. Bréfið var alls þrjár síður, sent af starfsmanni Bankasýslunnar og undirritað rafrænt af forstjóra hennar.

Ég tók að mér þetta verkefni til að leggja mitt af mörkum til að gera úttektina betri. Þegar forstjóri og starfsmenn Bankasýslunnar eru farnir að verja tíma sínum í að rekja ferðir mínar á samfélagsmiðlum og tilkynna skriflega, rafrænt undirritað, um “like” finnst mér þó ástæða til að staldra við. Ég kann ekki við slíkt eftirlit. Það er alvarlegt þegar starfsmenn ríkisstofnunar telja eðlilegt að leggjast í rannsókn á skoðunum ráðgjafa óháðra úttektaraðila og gera það á jafn hæpnum og huglægum forsendum og hér birtast.

Það er ekki hægt að setja “like” við þessi vinnubrögð og ljóst að nauðsynlegt er að opinbera þau.

Ég sé ekki aðra skýringu á bréfaskrifum Bankasýslunnar en að hún telji sig geta notað þau til að kasta rýrð á úttekt Ríkisendurskoðunar ef einhverjar niðurstöður hennar verða stofnuninni ekki að skapi. Það hugnast mér ekki og því ákvað ég í gær að ljúka aðkomu minni að úttektinni.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Lögmaður föður drengsins sem var fjarlægður af Barnaspítalanum – „Þeir feðgar glaðir að fá að verja loks tíma saman“

Lögmaður föður drengsins sem var fjarlægður af Barnaspítalanum – „Þeir feðgar glaðir að fá að verja loks tíma saman“
Fréttir
Í gær

Húsfélagsformaður óttast um milljónir eftir pöntun hjá Gluggasmiðjunni – Sölumanni sagt að mæta ekki í vinnuna

Húsfélagsformaður óttast um milljónir eftir pöntun hjá Gluggasmiðjunni – Sölumanni sagt að mæta ekki í vinnuna
Fréttir
Fyrir 2 dögum

Skóflustunga tekin að nýjum leikskóla í Vogabyggð – Einar Þorsteins settist í gröfuna

Skóflustunga tekin að nýjum leikskóla í Vogabyggð – Einar Þorsteins settist í gröfuna
Fréttir
Fyrir 2 dögum

Heimkaup hefur sölu á áfengi

Heimkaup hefur sölu á áfengi
Fréttir
Fyrir 2 dögum

Aðalheiður vekur athygli á djammvanda sem blasir við Íslendingum

Aðalheiður vekur athygli á djammvanda sem blasir við Íslendingum
Fréttir
Fyrir 2 dögum

Telur að íbúðir hljóti að lækka í raunverði á næstu árum

Telur að íbúðir hljóti að lækka í raunverði á næstu árum