fbpx
Sunnudagur 29.janúar 2023
Fréttir

Tveir ölvaðir ökumenn valdir að umferðaróhöppum

Kristján Kristjánsson
Mánudaginn 5. desember 2022 05:22

Myndin tengist fréttinni ekki beint.

Ekki missa af Helstu tíðindum dagsins í pósthólfið þitt

Lesa nánar

Um klukkan 18 í gær lentu tvær bifreiðar í árekstri í Kópavogi. Annar ökumaðurinn, tjónvaldur, var handtekinn á vettvangi þar sem hann er grunaður um ölvun við akstur. Hann var vistaður í fangageymslu. Á áttunda tímanum varð annað umferðaróhapp í Kópavogi þar sem ökumaður, tjónvaldur, er grunaður um ölvun við akstur. Sá var einnig handtekinn.

Tveir ökumenn til viðbótar voru handteknir í gærkvöldi og nótt grunaðir um að vera undir áhrifum áfengis og fíkniefna. Annar þeirra neitaði ítrekað að láta öndunarsýni í té og var því sviptur ökuréttindum til bráðabirgða.

Á sjöunda tímanum í gær var tilkynnt um eld í húsnæði í Háaleitis- og Bústaðahverfi. Minniháttar tjón varð en talið er að eldsupptökin hafi verið í þvottavél.

Tilkynnt var um þjófnað á fartölvu og fleiri munum úr bifreið í gærkvöldi. Hún var ólæst og því hægur leikur fyrir þjófinn að láta greipar sópa.

Í Miðborginni var tilkynnt um rúðubrot í verslun á fjórða tímanum í nótt. Lögreglan hafði afskipti af manni, sem var nærri vettvangi, og viðurkenndi hann að hafa brotið rúðuna.

Í Breiðholti var einn handtekinn á ellefta tímanum en hann er grunaður um líkamsárás. Hann var vistaður í fangageymslu. Upplýsingar liggja ekki fyrir um meiðsli árásarþolans.

Í Kópavogi var tilkynnt um aðfinnsluvert aksturslag bifreiðar á þriðja tímanum í nótt. Bifreiðin reyndist vera ótryggð og voru skráningarnúmerin því tekin af henni.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Útspil ríkissáttasemjara setti allt á annan endann 

Útspil ríkissáttasemjara setti allt á annan endann 
Fréttir
Í gær

Helga Gabríela kom Frosta til varnar og setti allt á hliðina – „Hvernig væri að fara að skella sér á hlaupabrettið?“

Helga Gabríela kom Frosta til varnar og setti allt á hliðina – „Hvernig væri að fara að skella sér á hlaupabrettið?“
Fréttir
Fyrir 2 dögum

Wagnerliðar murkaðir niður og Prigozhin fallinn í ónáð í Kreml

Wagnerliðar murkaðir niður og Prigozhin fallinn í ónáð í Kreml
Fréttir
Fyrir 2 dögum

Sérfræðingur er hissa – Var Pútín komið á óvart?

Sérfræðingur er hissa – Var Pútín komið á óvart?
Fréttir
Fyrir 2 dögum
Ók á tré
Fréttir
Fyrir 2 dögum
Kolbrún komin heim