fbpx
Mánudagur 30.janúar 2023
Fréttir

NATO íhugar að setja gamlar sovéskar vopnaverksmiðjur í gang

Kristján Kristjánsson
Fimmtudaginn 1. desember 2022 06:09

Úkraínskir hermenn við stórskotaliðsbyssu í Kherson. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Innan NATO er nú rætt um að setja gamlar sovéskar vopnaverksmiðjur í gang. Þær eru í Tékklandi, Slóvakíu og Búlgaríu og geta framleitt 152 og 122 mm skot fyrir úkraínskar fallbyssur.

Úkraínumenn nota stórskotalið sitt mikið í stríðinu og það hefur gengið hratt á birgðir þeirra og bandalagsþjóða þeirra af skotfærum fyrir fallbyssurnar. Af þessum sökum er nú rætt um að endurræsa gamlar verksmiðjur frá Sovéttímanum.

Antony Blinken, utanríkisráðherra Bandaríkjanna, ræddi við Christiane Amanpour á CNN í gær, um stríðið í Úkraínu. Hún spurði hann beint út hvort NATO sé að íhuga að endurræsa gömlu sovésku verksmiðjurnar. Hann sagði það vera rétt og að þetta væri ein af mörgum leiðum sem séu til skoðunar til að sjá Úkraínumönnum fyrir vopnum og skotfærum. Hann benti á að úkraínski herinn sé með mikið af vopnum frá tímum Sovétríkjanna og það þurfi að tryggja að til séu skotfæri fyrir þessi vopn.

New York Times segir að skotfæranotkunin í stríðinu sé gríðarlega mikil og nefnir að bara í Donbas noti Úkraínumenn 6.000 til 7.000 stórskotaliðssprengjur á dag. Á sama tíma noti Rússar 40.000 til 50.000 slíkar sprengjur.

Til að setja þessar tölur í samhengi þá eru um 15.000 stórskotaliðssprengjur framleiddar í Bandaríkjunum í mánuði hverjum. Og til að setja þetta í enn frekara samhengi má nefna að í stríðinu í Afganistan notuðu Bandaríkjamenn mest 300 stórskotaliðssprengjur á dag.

En það er rætt um fleira en að gangsetja sovéskar verksmiðjur. Í bandaríska stjórnkerfinu hefur að undanförnu verið rætt um að láta Úkraínu fá Patriot loftvarnarkerfi en það er fullkomnasta loftvarnarkerfið sem Bandaríkjamenn eiga.  Um helgina var haft eftir háttsettum embættismanni innan varnarmálaráðuneytisins að ríkisstjórn Joe Biden væri að íhuga þetta. Pat Snyder, herforingi hjá varnarmálaráðuneytinu, dró aðeins úr þessum ummælum og sagði að engar ákvarðanir hafi verið teknar um þetta enn sem komið er. The Hill skýrir frá þessu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Alvarlegt umferðarslys á Seltjarnarnesi

Alvarlegt umferðarslys á Seltjarnarnesi
Fréttir
Fyrir 2 dögum

Helga Gabríela svarar fyrir storminn á Twitter – „Síðasta ár hefur verið eitt það erfiðasta sem ég hef upplifað“

Helga Gabríela svarar fyrir storminn á Twitter – „Síðasta ár hefur verið eitt það erfiðasta sem ég hef upplifað“
Fréttir
Fyrir 3 dögum

Eyjabörn voru lamin þegar þau komu upp á land og sögð vera pakk

Eyjabörn voru lamin þegar þau komu upp á land og sögð vera pakk
Fréttir
Fyrir 3 dögum

Segir rússneskum foreldrum að loka börnin inni því morðingjar og nauðgarar Pútíns séu að koma heim frá Úkraínu

Segir rússneskum foreldrum að loka börnin inni því morðingjar og nauðgarar Pútíns séu að koma heim frá Úkraínu
Fréttir
Fyrir 3 dögum

Samkeppniseftirlitið stoppar kaup Kaupfélags Skagfirðinga á Gunnars Majonesi – „Við erum að skoða og meta málið“

Samkeppniseftirlitið stoppar kaup Kaupfélags Skagfirðinga á Gunnars Majonesi – „Við erum að skoða og meta málið“
Fréttir
Fyrir 3 dögum

Logi vill sjá fimm atriði breytast hjá Guðmundi ef hann á að halda áfram sem landsliðsþjálfari

Logi vill sjá fimm atriði breytast hjá Guðmundi ef hann á að halda áfram sem landsliðsþjálfari
Fréttir
Fyrir 3 dögum
Kolbrún komin heim