Á tíunda tímanum í gærkvöldi datt reiðhjólamaður sem var á ferð í Hafnarfirði. Talið er að hálka hafi valdið slysinu. Reiðhjólamaðurinn var fluttur á bráðamóttöku.

Tveir ökumenn voru handteknir í gærkvöldi og nótt, grunaðir um að vera undir áhrifum áfengis og/eða fíkniefna.

Tilkynnt var um líkamsárás í Breiðholti á ellefta tímanum. Árásarþoli hlaut minniháttar áverka. Ekki er vitað hverjir árásarmennirnir voru.

Tveir ökumenn voru kærðir fyrir of hraðan akstur í gærkvöldi. Annar ók á 123 km/klst og hinn á 109 km/klst þar sem leyfður hámarkshraði er 80 km/klst.

Einn ökumaður var kærður fyrir að aka án tilskilinna ökuréttinda.

Á tíunda tímanum voru tveir einstaklingar handteknir í Hlíðahverfi en þeir eru grunaðir um sölu fíkniefna.