fbpx
Fimmtudagur 08.desember 2022
Fréttir

90% félagsmanna mjög ánægðir með starf Hugarafls

Ritstjórn DV
Miðvikudaginn 5. október 2022 15:16

Áslaug Kristínsdóttir, Málfríður Hrund Einarsdóttir, Eliza Reid, Willum Þór Þórsson, Alma Möller, Auður Axelsdóttir og Halldóra Mogensen við opnun á nýjum húsakynnum Hugaralfs í Síðumíla 6 fyrir í síðustu viku

Ekki missa af Helstu tíðindum dagsins í pósthólfið þitt

Lesa nánar

Á dögunum kom út skýrsla á vegum Félagsvísindasviðs Háskóla Íslands um niðurstöður þjónustukönnunar Hugarafls. 90% félagsmanna eru mjög ánægðir með starf Hugarafls en 3% óánægð samkvæmt könnuninni sem náði til virkra félagsmanna Hugarafls síðustu tvö ár. Á annað hundað manns tóku þátt í könnuninni.

„Niðurstöður könnunarinnar eru mjög jákvæðar. Mikill meirihluta svarenda telur Hugarafl hafa aðstoðað sig mjög eða frekar mikið í að ná árangri í bataferli sínu, eða 84%. Hlutfallslega flestir leituðu fyrst til Hugarafls til að auka virkni sína eða 52%. Um helmingur svarenda greindu frá því að hafa leitað til Hugarafls vegna afleiðinga áfalls eða áfalla (51%), félagslegrar einangrunar (50%) og til að valdeflast (49%). Auk þess leitaði nokkuð stór hópur til Hugarafls til að efla starfsgetur sína eða fara í endurhæfingu (40%). Tæplega fimmtungur leitaði til Hugarafls vegna sjálfsvígshugsana eða sjálfsvígstilraunar. 16% þátttakenda leituðu fyrst til Hugarafls fyrst sem aðstandendur, til að fá stuðning, upplýsingar eða aðstoð vegna annars aðila,“ segir Auður Axelsdóttir, framkvæmdastjóri Hugarafls. Hún segir að aðstandendur sem leita til Hugarafls óski eftir ráðgjöf og taka þátt í hópastarfi.

Hlýtt viðmót og persónuleg nálgun

90% félagsmanna eru mjög ánægðir með starf Hugarafls en 3% óánægð samkvæmt könnuninni. Ánægðir nefna m.a. hlýtt viðmót, persónulega nálgun og nefna mikilvægi þess að hjá Hugarafli er ekki litið á greiningu sem aðalatriði, að vera ekki greiningin eins og sumir höfðu upplifað í öðrum úrræðum.

84% félagsmanna þakka Hugarfli árangur í bataferli sínu. Margir þakka fræðslu um leiðir til að höndla vanlíðan 44% félagsmanna segja þátttöku í Hugarafli hafa elft starfsgetu sína og 61% félagsmanna segja að starf Hugarafls hafi farið fram úr væntingum þeirra. „Tekið er m.a. fram mikilvægi þess að tilheyra hópi, jafningjastuðningur og að það sé mikil fjölbreytni í leiðum innan samtakanna. Í opnum svörum var algengt að fólk greindi mikilvægi þess að tilheyra samfélagi félagsmanna Hugarafls, fá stuðning frá og vera samþykkt af öðrum notendum hefði reynst þeim vel. Þá var einnig nefnt að fjölbreytni í framboði af úrræðum hefði farið fram úr þeim væntingum sem það hafði um þjónustuna,“ segir Auður.

Fá fræðslu til að takast á við vanlíðan

Þátttakendur nefndu að hafa fengið fræðslu til að takast á við vanlíðan, sögðu starfið vera valdeflandi, að starfið hefði aukið virkni og elft starfsgetu, að hafa fengið fræðslu um réttindi, að þátttaka auki tengsl við annað fólk og að hafa fengið aðstoð við að líta bjartari augum á framtíðina.

Flestir þátttakendur völdu nokkra svarmöguleika og má því gera ráð fyrir að starf og þjónusta Hugarafls styðji notendur við að ná andlegum bata á fjölbreyttan hátt.

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Fréttavaktin: Segir Eflingu hafa svikið sig | Ríkisendurskoðun harðorð

Fréttavaktin: Segir Eflingu hafa svikið sig | Ríkisendurskoðun harðorð
Fréttir
Fyrir 2 dögum

Tálbeitan gómar annan íslenskan mann – Vildi fara í trekant með 11-12 ára stelpum

Tálbeitan gómar annan íslenskan mann – Vildi fara í trekant með 11-12 ára stelpum