Á þriðja tímanum í nótt var lögreglunni tilkynnt um mann í annarlegu ástandi í Breiðholti. Honum var ekið á bráðadeild til aðhlynningar en grunur leikur á að viðkomandi hafi tekið of stóran skammt af fíkniefnum.

Töluvert var um kvartanir vegna hávaða frá íbúðum á höfuðborgarsvæðinu og sinnti lögreglan þeim verkefnum.

Á fyrsta tímanum í nótt var tilkynnt um eld í bifreið í Garðabæ. Reyndist vera minniháttar.

Einn ökumaður var kærður fyrir að aka sviptur ökuréttindum og annar var handtekinn grunaður um ölvun við akstur. Hann reyndist einnig vera sviptur ökuréttindum.

Kona var flutt á slysadeild á öðrum tímanum í nótt en hún var með áverka á höfði. Tilkynnt hafði verið um hana í Árbæ og að hún væri illa áttuð.