Joðtöflur eru nú uppseldar í Lyfju vegna ótta sem hefur gripið um sig við hugsanlegt kjarnorkustríð. Frá þessu greinir Stundin.

Þetta er ekki bundið við Íslands og hafa fregnir borist frá því að joðtöflur séu víða uppseldar og jafnvel að fjöldi manns séu á biðlista eftir þeim hjá apótekum.

Finnskir miðlar greindu frá því á laugardag að joðtöflur væru farnar að seljast upp og sambærilegt hefur átt sér stað í Svíþjóð, Belgíu, Slóvakíu, Noregi og víðar.

I've just been to 5 different pharmacies here in Norway and it's impossible to get iodine tablets.

All sold out and there are waiting lists.

People are preparing for nuclear war.

I don't think the war mongers out there realize the gravity of the situation.

Worse than cold war

— PeterSweden (@PeterSweden7) February 28, 2022

Með því að taka inn joðtöflur er hægt að minnka líkur á að geislavirk joð komist inn í skjaldkirtilinn. Þeir sem horfðu á nýlegu leiknu  þáttaröðina Chernobyl gátu til að mynda séð persónu í þættinum taka inn joðtöflur og hvetja aðra til að leika það eftir í þættinum eftir að hún veitti því athygli að mikil geislavirkni var í umhverfinu.

Stories are circulating that pharmacies in Croatia are running out of potassium iodide due to fears of increased radiation (valid) but depriving people who genuinely need supplemental iodine. Here's some info on what it can (and can't) do:https://t.co/BmFqlClsER

— Scam Likely, MD (@MaliMedo_MD) March 2, 2022

Joð töflurnar gera þó engan ónæman fyrir geislun heldur geta dregið úr þeirri hættu sem líkamanum stafar af geisluninni með því að metta skjaldkirtilinn svo hann freistist ekki til að gæða sér á þeim menguðu í umhverfinu. Joðtöflurnar veita þó enga tryggingu og þarf að taka þær í réttu magni, á hárréttum tíma og endurtaka með skipulegum hætti eftir opinberum leiðbeiningum.

Efst á síðu apóteks í Noregi – joðtöflur uppseldar. Svo mikil eftirspurn að þau settu þetta efst a forsíðuna. pic.twitter.com/aVdAvJNxP5

— Tanja Ísfjörð (@tanjaisfjord) February 27, 2022

Joðtöflum er til að mynda dreift til íbúa í Bandaríkjunum sem búa nærri kjarnorkuverum með þeim fyrirmælum að fólk taki inn töflurnar ef öryggisfulltrúar kalli eftir því.

Utanríkisráðherra Rússlands, Sergey Lavrov, hefur varað við því að ef þriðja heimsstyrjöldin brestur á, þá verði kjarnavopnum beint með tilheyrandi hörmungum.

Forseti Rússlands, Pútín, setti kjarnorkusveitir sínar á sunnudag í viðbragðsstöðu, en sú ákvörðun hans hefur skotið mörgum skelk í bringu þó svo aðrir telji að forsetinn hafi þar aðeins verið að hóta.

Utanríkisráðherra Frakklands sagði til að mynda við fjölmiðla að Pútín þyrfti að hafa það í huga þegar hann hótaði kjarnorkusprengjum að hann væri ekki sá eini sem ætti kjarnorkuvopn, slík ættu NATÓ einnig.

Sviðsstjóri smásölu og rekstrarstjóri Lyfju, Þórbergur Egilsson, sagði í samtali við Stundina, að alla jafnan væri ekki mikil sala á joðtöflum. Af samræðum við kúnna megi ráða að fólk sé að kaupa töflurnar af ótta við mögulega beitingu kjarnavopna í náinni framtíð.

„Þetta er hræðsla fólks við það sem allir vona að verði ekki og fólk grípur þá til allra mögulegra ráða.“

Þórbergur biðlar til Íslendinga að kynna sér virkni joðs vel áður en það hlaupi út í apótek, þar sem efasemdir séu um gagnsemi þess.