Skömmu eftir miðnætti handtók lögreglan ökumann í Hlíðahverfi en sá er grunaður um að hafa verið undir áhrifum fíkniefna og ítrekaðan akstur sviptur ökuréttindum. Ökumaðurinn reyndist einnig vera smitaður af COVID-19 og átti að vera í einangrun. Að sýnatöku lokinni var ökumanninum og farþeganum ekið að einangrunarstað þeirra. Farþeginn var ekki skráður smitaður.

Þessu til viðbótar voru fimm ökumenn handteknir í gærkvöldi og nótt grunaðir um að vera undir áhrifum áfengis og/eða fíkniefna. Tveir þeirra reyndust vera sviptir ökuréttindum. Bifreið eins var með röng skráningarmerki sem ökumaðurinn viðurkenndi að hafa stolið. Hann er því grunaður um skjalafals og þjófnað hvað það varðar. Einn ökumaður er að auki grunaður um vörslu og sölu fíkniefna.

Á ellefta tímanum í gærkvöldi hafði lögreglan afskipti af manni í Miðborginni en hann hafði stolið búnti af pokum að verðmæti 680 krónur.

Á sjöunda tímanum í gær varð hjólabrettaslys í Hafnarfirði. Ungur drengur datt af hjólabretti sínu og bar hendurnar fyrir sig. Hann var fluttur á bráðadeild með sjúkrabifreið.