fbpx
Miðvikudagur 27.október 2021
Fréttir

„Hryllingshúsið“ í Kópavogi seldist á 41,5 milljónir

Heimir Hannesson
Mánudaginn 20. september 2021 20:30

mynd/Fréttablaðið

Ekki missa af Helstu tíðindum dagsins í pósthólfið þitt

Lesa nánar

Húsið við Skólagerði auglýst var til sölu fyrr á þessu ári og DV sagði frá, seldist á innan við tveimur vikum á 41,5 milljónir, samkvæmt afsali sem DV hefur undir höndum. Húsið gekk undir nafninu „hryllingshúsið,“ enda í gríðarlega slæmu ástandi.

Auglýsingin vakti mikla athygli um leið og hún birtist. Þegar opið hús var auglýst var mælt með að áhugasamir kæmu í hlífðarfatnaði að skoða húsið.

Í auglýsingunni var húsinu lýst sem staðsteyptu parhúsi sem þarfnast gagngerrar endurnýjunar vegna áratuga vanrækslu á viðhaldi og umhirðu. Eignin er skráð 204,2 fermetrar og er á tveimur hæðum auk kjallara. Lóðin er 419 fermetrar og í sama ástandi og húsið: Ónýt.

„Rakaskemmdir eru í öllum rýmum eignarinnar á öllum hæðum og áberandi mygla víðast hvar, ásamt öðrum óhreinindum,“ stóð í auglýsingunni. Þar sagði jafnframt:

„Lagnir eru tærðar/ónýtar ásamt viðvarandi raka/leka þar sem lagnir liggja í veggjum á nokkrum stöðum. Botnplata í kjallara þarfnast endurnýjunar þar sem hún er morknuð og ílögn brotin/götótt á nokkrum stöðum og að líkindum sýkt af myglusvepp, líkt og aðrir fletir. Endurnýja þarf allar lagnir, miðstöðvarlagnir, neysluvatnslagnir og fráveitu. Einnig  rafmagnstöflu og annað raflagnaefni. Komast þarf fyrir raka í útveggjum, gólfflötum og berandi veggjum sem ganga niður í sökkul. Eignin þarfnast endurbóta á steyptum flötum ytra byrðis og endurnýja þarf allt tréverk, glugga, hurðir og þakkant.  Þakklæðning þarfnast einnig endurnýjunar.“

Það reyndust nágrannar fyrri eiganda sem keyptu húsið, þau Zuzana Holbicková og Andrej Holbicka. Eru framkvæmdir þegar hafnar. Búið er að rífa svo til allt út úr húsinu, endurnýja þakið og skipta út neðanjarðar lögnum utan húss auk þess sem sökkull hússins hefur verið einangraður.

Lokað er fyrir athugasemdir
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 23 klukkutímum

Siggi hakkari í gæsluvarðhaldi grunaður um umfangsmikil fjársvik – 14 aðrir með stöðu sakbornings

Siggi hakkari í gæsluvarðhaldi grunaður um umfangsmikil fjársvik – 14 aðrir með stöðu sakbornings
Fréttir
Fyrir 23 klukkutímum

Lögreglan yfirheyrði Árna Gils í nærfötum og náttslopp einum klæða – Lögreglan snupruð og málið tilkynnt til Umboðsmanns

Lögreglan yfirheyrði Árna Gils í nærfötum og náttslopp einum klæða – Lögreglan snupruð og málið tilkynnt til Umboðsmanns
Fréttir
Í gær

Eldheit skoðanaskipti um framtíð Bændahallarinnar – „MAKE HOTEL SAGA GREAT AGAIN“

Eldheit skoðanaskipti um framtíð Bændahallarinnar – „MAKE HOTEL SAGA GREAT AGAIN“
Fréttir
Fyrir 2 dögum

Tvö hundruð starfsmenn lögreglunnar skimaðir eftir að sjö smit greindust hjá embættinu

Tvö hundruð starfsmenn lögreglunnar skimaðir eftir að sjö smit greindust hjá embættinu
Fréttir
Fyrir 2 dögum

Kveikt í bifreið í Háaleitis- og Bústaðahverfi

Kveikt í bifreið í Háaleitis- og Bústaðahverfi
Fréttir
Fyrir 2 dögum

DV ræðir við móður manns sem ráðist var á með exi á laugardagsmorgun – „Svona árás getur endað sem morð“

DV ræðir við móður manns sem ráðist var á með exi á laugardagsmorgun – „Svona árás getur endað sem morð“