Á áttunda tímanum í gærkvöldi varð bílvelta á Bústaðavegi. Ökumaðurinn var fluttur á bráðadeild til aðhlynningar. Hann er grunaður um að hafa verið undir áhrifum áfengis og fíkniefna. Auk þess er hann með COVID-sýkingu og átti að vera í einangrun. Hann var fluttur í sóttvarnarhús eftir aðhlynningu á slysadeild.

Um klukkan 21 hljóp maður í gegnum tvöfalt gler í kvikmyndahúsi í Vesturbænum þegar hann var að flýta sér út til að læsa bifreið sinni. Ekki er vitað um alvarleika meiðsla hans.

Um klukkan 22.30 féll kona af hestbaki í Hafnarfirði og hesturinn ofan á hana. Talið er að hún hafi handleggsbrotnað og farið úr axlarlið. Hún var flutt á bráðadeild.

Á sjöunda tímanum í gær var akstur tveggja bifreiða stöðvaður á Breiðholtsbraut því skráningarnúmer bifreiðanna var hið sama. Ökumenn þeirra voru kærðir fyrir misnotkun skráningarmerkja og fleira. Annar þeirra reyndist vera án gildra ökuréttinda.

Um miðnætti var maður í annarlegu ástandi handtekinn í Breiðholti. Hann var vistaður í fangageymslu. Um klukkan fjögur var akstur ökumanns stöðvaður í Breiðholti en hann er grunaður um ítrekaðan akstur á gildra ökuréttinda. Bifreið hans reyndist vera ótryggð og voru skráningarnúmerin tekin af henni.

Einn ökumaður var handtekinn í gærkvöldi grunaður rum að vera undir áhrifum fíkniefna og ítrekaðan akstur sviptur ökuréttindum. Bifreið hans reyndist ótryggð og voru skráningarnúmeri því tekin af henni.