Ekið var á hjólreiðamann í gær á austanverðu varðsvæði lögreglunnar á höfuðborgarsvæðinu. Hann slasaðist ekki alvarlega. Tilkynnt var um slagsmál fyrir utan íbúðarhús í miðborginni en þar var allt fallið í dúnalogn þegar lögreglu bar að garði. Hald var lagt á hníf sem fannst á vettvangi.
Þrír ökumenn voru handteknir á kvöld- og næturvaktinni en þeir eru grunaðir um að hafa verið undir áhrifum áfengis og/eða fíkniefna.
Í vesturbæ Reykjavíkur var tilkynnt um innbrot og skemmdarverk og innbrot í heimahús. Í miðborginni var tilkynnt um innbrot í bifreið.