fbpx
Föstudagur 24.september 2021
Fréttir

Þórólfur útilokar ekki harðari takmarkanir á næstunni

Heimir Hannesson
Laugardaginn 24. júlí 2021 12:28

Taka á völdin af Þórólfi Guðnasyni sóttvarnalækni að mati Harðar. Mynd/Sigtryggur Ari

Ekki missa af Helstu tíðindum dagsins í pósthólfið þitt

Lesa nánar

Þórólfur Guðnason sóttvarnalæknir útilokar ekki að gripið verði til harðari takmarkana í samfélaginu skili takmarkanirnar sem taka gildi á morgun ekki árangri. Þetta kom fram í viðtali við Þórólf í hádegisfréttum Bylgjunnar. „Ef að þetta skilar ekki tilætluðum árangri og við förum að sjá aukningu á alvarlegum veikindum getur alveg komið til þess að ég þurfi að koma með nýjar tillögur,“ sagði Þórólfur.

Ríkisstjórnin samþykkti í gær eftir maraþonfund á Hótel Valaskjálf á Egilsstöðum að grípa til 200 manna takmörkunar á samkomum. Þá mega líkamsræktarstöðvar og sundstöðvar taka á móti 75% af hámarksfjölda samkvæmt rekstrarleyfi og þurfa veitinga- og skemmtistaðir að loka á miðnætti. Enn fremar mun eins metra reglan, sem landinn á að vera farinn að þekkja, snúa aftur. Skiptar skoðanir eru um aðgerðirnar í samfélaginu, en ráðherrar ríkisstjórnarinnar hafa þó stigið fram, hver af öðrum í gær og í dag og lýst því yfir að samstaða hafi verið innan ríkisstjórnarinnar um aðgerðirnar.

Kom fram í máli Þórólfs að hann hafi lagt fram tveggja metra reglu en niðurstaðan varð eins metra regla.

Katrín Jakobsdóttir forsætisráðherra sagði ríkisstjórnarfundinn hafi gengið vel fyrir sig í gær. „Við fórum mjög ítarlega yfir tillögur sóttvarnalæknis,“ sagði Katrín. Hún sagði jafnframt að ríkisstjórnin hefði fylgt hans tillögum að lang mestu leyti, rétt eins og ríkisstjórnin hafi gert hingað til.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Lokayfirlýsing DV: Faðir sem opinberar barnið sitt

Lokayfirlýsing DV: Faðir sem opinberar barnið sitt
Fréttir
Fyrir 3 dögum

Eldur í íbúð í Kópavogi

Eldur í íbúð í Kópavogi
Fréttir
Fyrir 3 dögum

„Hryllingshúsið“ í Kópavogi seldist á 41,5 milljónir

„Hryllingshúsið“ í Kópavogi seldist á 41,5 milljónir