Filippus prins, eiginmaður Elísabetar drottningar Bretlands, er látinn 99 ára að aldri. Frá þessu greina fjölmiðlar á Bretlandi en konungsfjölskyldan tilkynnti um andlátið rétt í þessu.
Filippus og Elísabet giftust árið 1947, fimm árum áður en Elísabet varð drottning. Filippus lætur eftir sig fjögur börn sem hann átti með Elísabetu. Þá átti hann átta barnabörn og 10 barnabarnabörn.
Prinsinn fæddist í Grikklandi árið þann 10. júní árið 1921 og hefði hann því náð hundrað ára aldri í sumar. Hann var sonur Andrew, prins Grikklands og Danmerkur, og Alice prinsessu af Battenberg.
Ljóst er að fjölmiðlar á Bretlandi voru búnir undir andlát Filippusar. Nánast um leið og tilkynnt var um andlátið var búið að birta ítarlegar minningargreinar um ævi og störf prinsins á helstu fjölmiðlum landsins.
Hér fyrir neðan má sjá tilkynningu bresku konungsfjölskyldunnar um andlátið:
