Lögreglan mun krefjast gæsluvarðhalds yfir einum manni vegna mannsláts í gær. Þá lést íslenskur maður, fæddur 1990, af völdum áverka sem hann hlaut á föstudaginn við heimili sitt í Vindakór i Kópavogi. Grunur leikur á að ekið hafi verið á manninn sem er sagður hafa hlotið talsverða höfuðáverka.

Vísir.is skýrir frá þessu. Hefur Vísir.is eftir Margeiri Sveinssyni, yfirlögregluþjóni, að rannsóknin beinist meðal annars að því að upplýsa hvernig maðurinn hlaut þá áverka sem urðu honum að bana. Vísir.is segist hafa heimildir fyrir að hann hafi verið með talsverða höfuðáverka og að skoðað sé hvort ráðist hafi verið á hann eða hvort bíl hafi verið ekið á hann og hann skilinn eftir í sárum sínum.

Sjá einnig: Íslendingur látinn eftir hrottalega árás fyrir utan heimili sitt í Kópavogi

Þrír voru handteknir vegna málsins en gæsluvarðhalds verður krafist yfir einum. Vísir.is segir að heimildir hermi að um rúmenskan ríkisborgara sé að ræða.