17 manns greindust með kórónuveiruna í gær. Af þeim voru 8 manns utan sóttkvíar. Þetta kemur fram í tölum frá almannavörnum til fjölmiðla en vefurinn covid.is er ekki uppfærður í dag. Nýgengi smita er nú 29,2 en tekin voru 1.923 sýni innanlands í gær.
Sex einstaklingar greindust með veiruna á landamærunum og af þeim bíða 5 eftir niðurstöðu úr mótefnamælingu. 224 sýni voru tekin á landamærunum. Nýgengi smita á landamærunum er 5,2.