fbpx
Laugardagur 10.apríl 2021
Fréttir

Reebar Mohammed í þriggja ára í fangelsi fyrir hrottalega nauðgun á skemmtistað í Reykjavík

Heimir Hannesson
Fimmtudaginn 25. febrúar 2021 11:10

Héraðsdómur Reykjavíkur. Mynd: DV

Ekki missa af Helstu tíðindum dagsins í pósthólfið þitt

Lesa nánar

Héraðsdómur Reykjavíkur hefur dæmt Reebar Abdi Mohammed í þriggja ára fangelsi fyrir að hafa nauðgað konu inni á kvennaklósetti um miðjan febrúar árið 2019.

Aðfaranótt föstudagsins 16. febrúar barst lögreglu tilkynning um að konu hefði verið nauðgað. Kvaðst öryggisvörður hafa séð konuna ganga út af staðnum í átt að grindverki hinum til móts við staðinn ásamt vini sínum. Annar maður hefði svo gengið að konunni en vinur hennar öskrað á hann og rekið hann burtu. Þegar öryggisvörðurinn spurði hvað gengi á, sagði konan að maðurinn sem rekinn hafði verið burtu hefði nauðgað sér fyrr um kvöldið inni á skemmtistaðnum.

Lögregla tók skýrslu af konunni auk þess sem Reebar var yfirheyrður með hjálp vinar síns, sem túlkaði fyrir hann. Segir í dómnum að talsverð rannsókn hafi farið fram inni á skemmtistaðnum. Tæknideild lögreglu rannsakaði vettvanginn auk þess sem myndir úr eftirlitsmyndavélakerfi skemmtistaðarins var skoðað.

Á myndbandsupptökunum mátti sjá þegar konan fer inn á salernið klukkan 02:19 og að maðurinn hafi elt hana þangað inn skömmu síðar. Segir í dómnum að þau hafi kysst og faðmast utan við klósettið, að konan hafi virst nokkuð ölvuð en maðurinn allsgáður. „Horfi hann [svo] í kringum sig, en þegar enginn sé á svæðinu leiði hann brotaþola inn á kvennasalernið. Þar inni séu þau í 22 mínútur, en kl 02:44 sjáist brotaþoli koma út, reikul í spori og ganga upp stigann,“ segir jafnframt í dómnum.

Maðurinn var ákærður fyrir nauðgun, með því að hafa leitt konuna inn á bás á kvennasalerni staðarins, lagt hönd hennar á ber kynfæri sín, dregið niður um hana buxurnar, stungið fingri í leggöng hennar og snúið henni svo við og reynt að þvinga lim sínum í leggöng hennar og síðar reynt að láta hana hafa við sig munnmök. Brotaþoli komst þá undan ákærða.

Af árásinni mun konan hafa hlotið sprungu, roða, sár og mar á kynfæri og spöng.

Ákærði neitaði sök fyrir dómi en í ljósi framburðar konunnar, gagna úr eftirlitsmyndavélakerfi skemmtistaðarins, og framburðar læknis sem lýsti því fyrir dómi að áverkar eins og hann hefði greint konuna með kæmu ekki við venjulegar samfarir. Þá samræmdist framburður mannsins illa fyrirliggjandi gögnum og áverkum á brotaþola.

Í ljósi þessa þótti dómara fullsannað að maðurinn hefði nauðgað konunni og er það skrifað í dóminn að maðurinn eigi sér engar málsbætur. „Réðst hann með freklegum hætti gegn kynfrelsi brotaþola.“ Í því ljósi var hann dæmdur, sem fyrr sagði, í þriggja ára fangelsi og til þess að greiða konunni þrjár milljónir króna í miskabætur vegna árásarinnar, auk annarra þriggja milljóna í sakarkostnað.

Lokað er fyrir athugasemdir
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Pírataspjallið logaði vegna færslu Dóru Bjartar – Segir fólk búa til fantasíur til að vera með hræðsluáróður

Pírataspjallið logaði vegna færslu Dóru Bjartar – Segir fólk búa til fantasíur til að vera með hræðsluáróður
Fréttir
Í gær

Ríkið borgar manni miskabætur sem hótaði ítrekað að birta nektarmyndir – „Það er gott að þú hatir mig“

Ríkið borgar manni miskabætur sem hótaði ítrekað að birta nektarmyndir – „Það er gott að þú hatir mig“
Fréttir
Í gær

Lögreglan á höfuðborgarsvæðinu lýsir eftir Elvis Valca

Lögreglan á höfuðborgarsvæðinu lýsir eftir Elvis Valca
Fréttir
Í gær

Meintur hnífamaður á Sushi Social laus úr haldi lögreglu – Tíu ára brotaferill að baki

Meintur hnífamaður á Sushi Social laus úr haldi lögreglu – Tíu ára brotaferill að baki
Fréttir
Fyrir 2 dögum

Þetta hafði Svandís að segja eftir að Landsréttur vísaði kæru sóttvarnarlæknis frá – „Þetta er það sem við ætlum að gera fyrst““

Þetta hafði Svandís að segja eftir að Landsréttur vísaði kæru sóttvarnarlæknis frá – „Þetta er það sem við ætlum að gera fyrst““
Fréttir
Fyrir 2 dögum

Landsréttur vísar kærunni um sóttkvíarhótelið frá dómi – Dómur Héraðsdóms stendur

Landsréttur vísar kærunni um sóttkvíarhótelið frá dómi – Dómur Héraðsdóms stendur
Fréttir
Fyrir 2 dögum

Konan í farsóttarhúsinu sem lagði ríkið stígur fram – Flaug út til að jarða móður sína – „Þetta er frelsissvipting, þetta er hræðilegt“

Konan í farsóttarhúsinu sem lagði ríkið stígur fram – Flaug út til að jarða móður sína – „Þetta er frelsissvipting, þetta er hræðilegt“
Fréttir
Fyrir 2 dögum

Frægir íbúar Grafarvogs taka þátt í pípusölu kirkjunnar

Frægir íbúar Grafarvogs taka þátt í pípusölu kirkjunnar