Fjórir ökumenn voru handteknir í gærkvöldi og nótt grunaðir um akstur undir áhrifum áfengis og/eða fíkniefna. Einn þeirra hafði lent í umferðaróhappi og var hann vistaður í fangageymslu.
Lögreglan vísaði ölvuðum manni út úr húsi þar sem hann var óvelkominn. Öðrum var vísað frá húsi sem hann var að reyna að komast inn í.
Tilkynnt var um minniháttar líkamsárás. Vitað er hver gerandinn er. Eitt þjófnaðarmál úr verslun var tilkynnt og var það afgreitt á vettvangi.
